Israel Galte Tungah Thukhenna
Thusuak khat
9
1 Hadrach gam langah TOPA langpanna thu tunga,Damascus tungah a tu ding hi -
ahang in, mite le Israel behte khempeuh in
TOPA aa mitsuan uh a -
2 gamgi kizawng Hamath le
a siam mahmah uh zongin Tyre le Sidon tungah zong a tu ding hi.
3 Tyre in ama mun muanhuai ding bawl khin hi;
amah in leivui bangin ngun khawm venvan a,
kongzing nin zahin kham a nei hi.
4 Ahi hangin Topa in a neihsate lakmangsakin
tuipi tunga a vangliatna susia dinga,
tua ciangin amah mei-in a kihaltum ding hi.
5 Ashkelon in tua mu-in lau ding hi;
Gaza nasa lua-in kawigawp dinga,
a lametna bei ding ahi manin, Ekron in zong a kawigawp lawh ding hi.
Gaza in a kumpipa taan dinga,
Ashkelon a kinusiacip ding hi.
6 Gamdang mite in Ashdod la ding uh a,
Philistia-te kiphatsakna ka beisak ding hi.
7 Amaute kam panin sisan ka lakhia dinga,
amaute hakawm panin a kikham ante ka lakhia ding hi.
A kinusia laite i Pasian aa hi dinga
Judah-te tungah makaite suakin,
Ekron ahileh Jebus mite abang ding uh hi.
8 Ahi hangin ka innkuante
galguk hatte panin ka hu ding hi.
Tu-in ka mite vil den ka hi manin
mi nengniamte in a nuaisiah zo ngei nawn kei ding uh hi.
Zion Kumpipa Tungta
9 Zion Tanu aw, nuam mahmah in!
Jerusalem Tanu aw, kiko in!
En in, na kumpipa bb na kiangah
thumaanna le hotkhiatna kengin
migi-in laa tungah,
sin nai loh, laapi ta laano tungah hong tuang hi.
10 Ephraim panin a sakollengte uh leh,
Jerusalem panin a galsimna sakolte uh ka lakkhiatsak dinga,
a galsimna thalpeute uh ka kuaitan ding hi.
Amah in minamte tungah kilemna a tangko ding hi.
Ama ukna tuipi khat pan tuipi khat,
Gunpi cc panin leimong dd dong a zai ding hi.
11 Nang ading ahileh nang tawh ka thukhunna sisan hangin
na thongkia mite tui omlohna dum thukpi panin ka khahkhia ding hi.
12 Lametna kiate aw, na kulh muanhuai uh zuan kik un;
tu nangawnin a zahnih a nang kong piak ding ka genkhia hi.
13 Ka thalpeu ka kek bangin Judah ka kek dinga,
Ephraim tawh ka bulh ding hi.
Greece aw, na tapate langkhat ah,
Zion aw, na tapate ka thosak dinga,
nang galhangte namsau kong bangsak ding hi.
TOPA Kilang Ding
14 Tua ciangin amaute tungah TOPA a kilang ding hi;
a thaltangte khuaphelep bangin tee zalzal ding hi.
Thupipen TOPA in pengkul a mut ding hi;
amah leitaw-lam huihpi lakah kuan dinga,
15 Thahatpen TOPA in amaute a dal ding hi.
Amaute in suang sailungtang tawh
susia-in a zo ding uh hi.
Amaute in dawn ding uh a zukham bangin hawkin,
biakna-tau kiute-a sisan thehna ee a kizang
kuang-uk khat bangin a dim ding uh hi.
16 Tua ni ciangin TOPA amaute
Pasian in ama ganhon ahi a mite a honkhia ding hi.
Amaute, kumpi lukhu-a suangmanpha bangin
ama gam sungah a tee diamdiam ding uh hi.
17 Amaute melhoihin iplah huai si uncia!
Anlim in tangvalnote khanphasakin,
zuthak in numeinote a khanphasak hi.