52
1 Khanglo in, khanglo in, Zion aw,thahatna puanin silh in.
Khuapi siangtho Jerusalem aw,
na thupina puan silh in.
Na sungah vunat lohte le
a kihhuaite lut kik lo ding uh hi.
2 Na leivuite singkhia in;
Jerusalem aw, tho inla kumpi tokhom ah tu in.
Saltang Zion Tanu aw,
na ngawnga khainiangte panin kisuahtak in.
3 Ahang in, TOPA in:
"Note bangmah loin hong kizuaka,
sum loin hong kitankhia ding hi," a ci hi.
4 Ahang in, Thupipen TOPA gen hih ahi hi:
"A masa in ka mite a nungta dingin Egypt ah paisuk uh hi;
a nunung lamah Assyria in amaute a nengniam hi.
5 "Tu-in hih lai-ah bang nei ka hi hiam?" TOPA in cikhia hi.
"Ka mite bangmah loin ka paipihmang a,
amaute a ukte in simmawh uh hi," ba
TOPA in cikhia hi.
"Ni thapai-in
ka min kigendai den hi.
6 Tua ahi ciangin ka mite in ka min a thei ding uh hi;
tua ahi ciangin a genkholpa kei ka hilam
amaute in a thei ding uh hi.
Hihi, tua in keimah ka hi hi," a ci hi.
7 Mual liante tunga thupha a puakte,
lemna a va tangkote,
thuthak hoih a va puakte,
hotkhiatna va tangko a,
Zion tungah,
"Na Pasian kumpi in mang hi,"
a va cite khe melhoih na lawmlawm e!
8 Ngai un! Na galvilte un a aw uh sangsakin;
lungnopna aw a tangko khawm uh hi.
Zion ah TOPA a ciah kik ciangin
amau mit mahmah un tua a mu ding uh hi.
9 TOPA in mite hehnem khin a,
Jerusalem tankhia khin ahi manin,
nang a kisiasa Jerusalem aw,
lungnopna late sakhia khawm un.
10 TOPA in minamte khempeuh muhin
a khut siangtho zankhia dinga,
leimongte khempeuh in eite Pasian hotkhiatna
a mu ding uh hi.
11 Kihem un, kihem un , tua lai panin paikhia un!
A sianglo na lawng kei un!
No TOPA’ beel le kuang puate aw,
tua panin paikhia unla kisiangthosak un.
12 Ahi hangin note mai-ah TOPA pai-in
Israel-te Pasian note nung dal ahi manin
note nawhsa-in na dingkhia kei ding uh a,
lauthawng sa-in na pai kei ding uh hi.
Nasempa Thuakna le Minthanna
13 En un, ka nasempa in pilvang takin ab a sem ding hi;
amah kisangsakin kilaamto dinga sangtakin a kitawisang ding hi.
14 Ama bc hangin mi tampi a lauthawng bang tektekin -
mi zong sun nawn loin amel kisiagawp a,
mihing zong bang loin a pianzia a kisiazaw lai hi -
15 tua ahi ciangin minam tampite cd siangsak dinga
ama hangin kumpite pau loin a om ding uh hi.
Ahang in, amaute in a kigenkhol lo nate mu ding uh a,
a zak kholh loh uh thute a tel ding uh hi.