53
1 Kote thupuak kua in um a,kua kiangah TOPA khut kilak ahi hiam?
2 A laingek mengkhia bangin a mai-ah amah khangto a,
lei keuna-a a bulsel mengkhia bang ahi hi.
Eite iplah dingin melhoihna ahikeh thupina nei lo a,
amah i deih nadingin kilawmna peuhmah a langkhia kei hi.
3 Mihingte in amah simmawhin nial uh a,
dahna thuak mipa le haksatna thei mipa ahi hi.
Mite in mu nuam loin a mai uh a humsan mipa bangin
amah kisimmawh a, eite in zong i thusim tuan kei hi.
4 Amah in eite natna thuakin
i dahnate pua takpi hi;
Tua hi napi Pasian in amah satin gimsak hi,
ci-in i ngaihsun hi.
5 Ahi hangin eite tatsiatna hangin amah kisunlet a,
i tatkhialh nate hangin amah kisatnim hi;
eite in lungnopna i ngah nadingin amah in dan thuaka,
ama liammate hangin eite i dam hi.
6 Eite khempeuh tuu bangin lam i pial khin a,
eima utna ciatah i pial hi;
TOPA in eite khempeuh
mawhna ama tungah a suan hi.
7 Amah kinengniamin kihingimsak napi
a kam a kek kei hi;
a kigo ding tuu bangin amah kipaipih a,
a mul metpa mai-ah a ham lo tuu bangin
a kam a kek kei hi.
8 Netniamna da le thukhenna tawh amah kipaipihmang hi.
Tua hi-a ama suante kua in gen thei ahi hiam?
Ahang in, a hingte gam pan amah kikhenkhia in;
ka mite mawhnate hangin amah a kisat eb hi.
9 Amah ngongtat loin
zuauthu zong gen lo napi,
migilote tawh kivuikhawm a,
mihaute tawh a sikhawm hi.
10 Tua bangin kisatnima a kithuaksak ding lah TOPA deih hi a,
TOPA in ama nuntakna khialhna hanga biakna-in a bawl fc hangin
amah in a suan le khakte mu in a nuntak hun sotsak dinga
ama gamsungah a khut sungah TOPA deihna a pung ding hi.
11 A hinna in a thuak khit ciangin,
nuntakna gd khuavak mu dinga a lungkim he ding hi;
a thumaan ka nasempa in, ama theihna if tawh mi tampi dik tangsak dinga,
amaute mawhna a puaksak ding hi.
12 Tua ahi ciangin a mi liante jg lakah tanh ka pia dinga,
amah in mi thahatte kh tawh vanlakte a hawm ding uh hi;
bang hang hiam cih leh amah in sihna sungah a nuntakna sungkhia a,
mimawhte tawh a kisimkhawm hi.
Ahang in, amah in tampite mawhna pua a,
a khialte adingin thumsak hi.