21
1 TOPA khut sungah Kumpipa lungtang om a,tuilaak bangin a lungkimnana ah hei kawikawi hi.
2 Mi khat in a gamtatna khempeuh maan a sak hangin,
TOPA in a lungsim khingkhai hi.
3 TOPA in kithoihna sangin
thumaan thutanga sep, sang thei zaw hi.
4 A kihisak mitte le kiphatsakna lungtang,
migilote’ meivakte mawhna ahi hi!
5 Lopthopna in zawnna a tut laisiah
a citakpa geelna in metna tun hi.
6 Leii-a zuauna tawh hauhna in
a lengmang pak tuikhu le sihtheihna thang ba ahi hi.
7 Migilote thumaanin gamta nuam lo ahi manin,
amau ngongtatna in amaute talkaih mang ding hi.
8 A kisuangtaakte lehtat uh a,
mawhpengte ahileh a tangin gamta uh hi.
9 Kitot hat zi tawh inn khata tenkhawm sangin,
innkhum tung kiu khata ten hoihzaw hi.
10 Migilote in thusia deih uh a,
a vengte in ama tung panin lainatna a ngah kei uh hi.
11 Misimmawh khat dan a kituahsak ciangin, mimawlte in pillawh uh a;
mipil khat lam a kilah ciangin theihna a ngah hi.
12 Thumaan Pa cb in migilote inn ciamteh a,
a gilote a siasak hi.
13 Mi khat in mizawngte kikona za nuam loin a bil a humsan leh
amah zong kiko dinga a kidawng kei ding hi.
14 Letsong kipiaksim in hehna damsak a,
puan nuai ah sel-a golhsum piaksim in thangpaihna lianpi a daisak hi.
15 Thutanga a kisep khit ciangin a thumaante lungnuam a,
a gilote lauthawng hi.
16 Theihtelna pana lampialpa,
misi hon lakah a tawlnga ding hi.
17 Nopsakna khelahte zawng dinga;
zu le sathau haite a hau ngei kei ding hi.
18 Migilote in a thumaan mite kitatna man suak dinga,
mi muanhuai lote mi thutangte adingin tatna man a suak ding uh hi.
19 Kitot hat le a gilo zi tawh tenkhawm sangin
gam sunga ten hoihzaw hi.
20 Mipilte inn sungah an lim le sathau kikhol a,
mihaipa in ahileh a neih zahzah valhtum pahpah hi.
21 Thumaanna le itna a delh mi in,
nuntakna, daupaina dc le pahtawina a mu hi.
22 Mipil in mi thahatte khuapi sim-a,
amau muan, kulh muanhuai a kaipuk hi.
23 A kam le a leii a kem thei mi,
vangsiatna pan a kikem ahi hi.
24 A kiphasak le a ki-uangsakte - a min, "Misimmawh" hi-a;
kiphasak khengvalin a gamta hi.
25 Mi zongzawte khut in na sem nuam lo ahi manin a deihluatna,
ama sihna hi ding hi.
26 Sun thapai-in amah in a tamzaw deih lai a,
a thumaante in ahileh siit nei loin piakhia hi.
27 Migilote’ kithoihna kihhuai hi -
ngimna hoih lo tawh a puakte nak kihhuai zaw ngel ve!
28 Teci zuau mangthang dinga,
a thu a ngai peuhmah kisusia den ad ding hi.
29 Migilote hanhah gemgam a,
mi thutang in a gamtat nading a ngaihsun hi.
30 TOPA langkhatah pilna, thugil le
ngimna a tangtung zo kei hi.
31 Galsim ni adingin sakol kiciil khin a,
gualzawhna ahileh TOPA aa ahi hi.