Kahtohna la khat.
129
1 Ka neu lai-a kipan amaute in hong nengniam lua uh hi -Israel in ci hen -
2 ka neu a kipan amaute in hong netniam luat uh hangin
kei tungah a gualzo kei uh hi,
3 Lokhote in ka nungzang kho uh a,
a tuma kuak uh a sausak uh hi.
4 Ahi hangin TOPA thumaan a;
migilote khauhualte attatin hong suaktasak hi.
5 Zion a mudahte khempeuh
maizumin kileh kik uh hen.
6 Amaute, innkhum tunga lopa po
a khanma-a keute bang uh hen;
7 an lapa in tuate tawh a khut dim ngah loin
a khawmpa in a ang dim a ngah zawh loh bang uh hen.
8 Ama kiang a tawnte in,
"TOPA thupha nang tungah hong tung hen;
TOPA minin thupha kong pia uh hi," ci kei uh hen.