Kahtohna la khat.
128
1 TOPA kihta a, ama lampi a tawnte khempeuhthupha ngah ahi hi.
2 Na gimna’ gah na ne dinga,
thuphate le daupaina nang aa hi ding hi.
3 Na inn sungah
na zi lenggui gahpha bang dinga;
na sabuai kimkot ah na tapate
olive hiangdawng bang ding uh hi.
4 TOPA a kihtate’ thupha
tua bang ahi hi.
5 TOPA in na nuntak sung teng
Zion panin thupha hong pia henla;
Jerusalem daupaina mu-in
6 na tate’ tate mu-in nungta in.
Israel tungah lemna om ta hen.