116
1 TOPA in ka aw hong za-a;lainat ding ka ngetna hong za ahi manin amah ka it hi.
2 Amah in a bil kei lam hong ngat ahi manin,
ka nuntak sungteng amah ka sam ding hi.
3 Sihna khauhualte in kei hong vial a,
hankhuk aa lunggimnate ka tungah hong tungin;
lungkhamna le dahna in hong zogawp hi.
4 Tua ciangin TOPA min ka sam a:
" TOPA aw, hong hon in!" ka ci hi.
5 TOPA , hehpih siamin thumaan a;
eite Pasian khuatuahna tawh a dim hi.
6 TOPA in mi nunnemte dal hi;
ka kisap mahmah ciangin hong hon hi.
7 Ka hinna aw, TOPA nang tungah hoih khin ahi manin
khatvei tawldam kik in.
8 TOPA aw, nangin sihna panin ka hinna na hu a,
khitui panin ka mit hu-in
muktukna panin ka khete na hukhia hi;
9 tua in a nungtate gama TOPA mai-ah
ka pai theih nading ahi hi.
10 Ka um hi; tua ahi ciangin, bb
"Ka thuaksia mahmah hi," ka ci hi.
11 Ka cihmawh manin,
"Mi khempeuh zuauphuak hi," ka ci hi.
12 TOPA kei tungah a hoihna khempeuh
bangci ka thuk thei ding hiam?
13 Hotkhiatna hai domto in
TOPA min ka lo ding hi.
14 Ama mite khempeuh mai ah
TOPA tunga ka kiciamna ka tangtungsak ding hi.
15 TOPA muhna ah
a misiangte sihna manpha hi.
16 TOPA aw, nangma nasem ka hi taktak hi;
keimah na nasem, na nasemnu’ cc tapa ka hi hi;
ka sikkhainiangte panin kei nong khahkhia hi.
17 Lungdamkoh biakna nang kong pia dinga,
TOPA min kong lo ding hi.
18 Ama mite khempeuh mai
TOPA inn huang sung -
19 Jerusalem aw nangma laizangah
TOPA tunga ka kiciamnate ka tangtungsak ding hi.
TOPA dd phat un.