111
1 TOPA da phat un.A thutangte kikhopna le mihonpi kikhopna ah
ka lungsim neihzah in TOPA ka tawisang ding hi.
2 TOPA nasepte lian a;
tuate nuam a sa khempeuh in sutsut uh hi.
3 Ama nasepte minthanna le thupina hi a,
a thumaanna kip tawntung hi.
4 Ama nalamdangte phawk den ding suaksak hi;
TOPA in ahileh hehpih siamin khuatuah siam hi.
5 Amah in amah kihtate an sik a;
a thukhun a phawk tawntung hi.
6 A nasepte’ vangliatna ama mite tungah lak khin a,
minam dangte gam amaute a pia hi.
7 Ama khuta a sepsate muanhuai-in thutang a;
a thusehte khempeuh muantak hi.
8 Tuate a tawntungin kip den a,
muanhuaina le thutan’ na-a kisem ahi hi.
9 Amah in a mite adingin tatkhiatna guan a;
a thukhun kipsak denin -
a min siangtho-in, lipkhaphuai hi.
10 TOPA kihtakna in pilna kipatna hi-a;
ama thusehte a zuite khempeuh in theihtelna hoih a nei uh hi.
A tawntungin phatna ama aa ahi hi.