David phuah. Phatna-la khat.
110
1 TOPA in ka Topa tungah:"Na galte khempeuh
na khe ngakna ka suahsak matengin
ka taklam ah na tu in," a ci hi.
2 TOPA in a thahat na ukna ciangkhut, Zion panin na khangsak dinga;
na galte laizangah na uk ding hi.
3 Kido ni-in
na galkap honte lawp ding uh hi;
thupina siangtho-in kithuam ding uh
a phalvakna sul panin
na moina aa daitui na ngah ding hi.
4 TOPA in: "Melchizedek bangin
siampi na hi tawntung ding hi,"
ci-in kiciam khin a,
a lungsim a khel kei ding hi.
5 Na taklam ah Topa om hi;
ama thangpaih ni-in kumpite suzan ding hi.
6 Amah in minamte thu khen dinga,
misi vumsakin leitung bupa gam-ukte a suzan ding hi.
7 Amah in lam gei-a luino khata bb tui dawn dinga
tua ciangin a lu a phongto ding hi.