Tumtheih makaipa ading. Gittith aa bangin. Korah Tapate phuah. Phatna-la khat.
84
1 Thahatpen TOPA aw,na tennamun ithuai si e!
2 TOPA huangte utlua-in
ka hinna zawm zawzen a,
ka lungsim le ka ci-le-sa in
a nungta Pasian a sam hi.
3 Thahatpen TOPA,
ka Kumpi le ka Pasian aw,
na biakna-tau gei ah
kawlgit nangawn in omna nei-a,
phialphiah in a bud ing leh a no koih nading mun a nei hi.
4 Na inn sunga tengte thupha ngah hi-a;
amau in nang hong phat den uh hi.
5 A hatna uh nangma tung pan ngaha,
na tenna mun lunggulh cinten a khualzinte thupha ngah ahi hi.
6 Amaute in Baca Kuam nawka a pai lai-un
ciktui phulna mun suaksak uh hi;
sikhiau guahte in zong bual bb a dimsak hi.
7 Amaute a milipun Zion a Pasian mai-ah a kilak matengun,
a tha uh a hat semsem hi.
8 TOPA Thahatpen Pasian aw, kong thungetna hong za in;
Jacob Pasian aw, hong ngai in.
9 Pasian aw, ka lum cc uh hong etsak inla;
angvanna tawh na sathau nilhpa en in.
10 Mundang a ni tulkhat om sangin
na huang sungte a ni khat om hoihzaw hi;
migilote puanbukte sunga ka ten sangin
ka Pasian inn a kongkhak cingpa ka hi nuamzaw hi.
11 Ahang in, TOPA Pasian in, tungsun ni le lum ahi hi;
TOPA in angvanna le pahtawina pia a;
a kal suanna kawkbaang lote ading
na hoih khat beek a sit kei hi.
12 A Thahatpen TOPA aw,
nang hong muang mi thupha ngah ahi hi.