Tumtheih makaipa ading. Gittah da tawh kizui-in. Asaph phuah.
81
1 Eite thahatna Pasian, nuamna la sak un;Jacob Pasian tungah nakpi in kiko un!
2 Tumtheih tum kipan unla khuangta satin,
harp le lyre kilawmtakin sai un.
3 Kha Thak le kha liik,
eite Pawi ni-in tuutal’ ki mut un;
4 hih in Israel adingin thukip hi-a,
Jacob’ Pasian biakna ngeinakip ahi hi.
5 Amah in Egypt sima a paikhiatpih lai-in
i theihtel loh eb kam i zakna munah
Joseph adingin tua ngeina kho a kipsak ahi hi.
6 Amah in, "Amaute liangko panin tua vangik ka sankhia a;
tanglawh panin a khutte uh ka khahkhiatsak hi.
7 Na lungdon uh ciangin nong sam uh a, hong hukhia in
vanging-meiipi lak pan kong dawng a;
Meribah tuite ah no kong zia-et hi.
8 "Ka mite aw, za un, kong vauhilh ding hi -
Israel aw, ka thu hong ngai hoh lecin!
9 Note lakah gamdang pasian na nei kei ding uh a,
pemtate pasian bia-in na kun kei ding uh hi.
10 Keimah note Pasian, TOPA,
Egypt pana hong paikhiatpihpa ka hi hi.
Na kam zapi-in ka in, ka dimsak ding hi.
11 "Ahi hangin ka mite in ka thu ngai lo uh a;
kei tungah Israel hong kiniamkhiat lo hi.
12 Tua ahi ciangin amau lungkhauhna tawh kizui-in
amau ut bangin ka khahkhong hi.
13 "Ka mite in kei thu hong ngai uh henla,
Israel in ka lampite zui hoh leh,
14 a galte uh manlangtakin zawhpihin,
a galte uh lamah ka khut liik ngel ding hi veng in!
15 TOPA a mudahte in a mai ah maivil ding uh a,
amau danthuakna a bei ngei kei ding hi.
16 Ahi hangin note mangbuh limci penin hong kivak dinga;
suangpi pana khuaizu-in kong taisak ding hi," a ci hi.