Tumtheih makaipa ading. David phuah phatna-la khat. La khat.
65
1 Pasian aw, phatna in Zion ah nang hong ngak ba hi;nang tunga ka kiciamnate uh ka tangtungsak ding uh hi.
2 Nang, thungetna a zapa aw,
mi khempeuh nang kiangah hong pai ding hi.
3 Mawhnate in ko hong pumtuam ciangin
ka tatkhialhnate uh nong maisak cb hi.
4 Na teel mipa le nangma huangte sungah teng dinga
nang hong naihte thupha ngah hi ei!
Na inn, nangma biakinnpi siangtho a
na hoihte tawh ka kidim uh hi.
5 Kote’ Honpa Pasian aw,
nang in leitung mongte le a gamla pen tuipi mong dong in hong lamet,
6 na vangliatna tawh mualliante bawl a,
nang le nang thahatna kithuam pa,
7 tuipi hawk lai le
tuihual hawkte a daisakpa,
minamte pumbuaina a daisakpa in
a lauhuai thumaana na nasepna-in ko nong dawng hi.
8 Gamlapi-a tengte in na nalamdang bawlte kihta uh a;
zingsang phalvaknate le nitak khuamuinate ah
nuamna late na gingkhiasak hi.
9 Leitung donin tui na buak a;
tampitak na kibehlapsak hi.
Mihingte an na sik nadingin
Pasian luite tui dim a,
tua dc lah nangma kipsak ahi hi.
10 Lo leisaite na kawtsak a,
a vumte na maihtam hi;
khuapi guahin na nipsak a,
ankungte thupha na pia hi.
11 Na cihtheihna kum na khusak a,
na lengte tampitak a dimlet hi.
12 Sehnel-gam lopa tawh kidimlet a;
mualneute in lungdamna a silh uh hi.
13 Lono munte tuuhon in tuam a,
kuamte zong anin na tuam hi;
amaute nuam uh a, kikoin la a sa uh hi.