Tumtheih makaipa ading. Khausai tumtheih a sak. David phuah.
61
1 Pasian aw, ka kikona hong za in;kong thungetna hong ngai in.
2 Leimongte panin nang kong sam a,
lungsim zawmsa in nang kong sam hi;
kei sanga sangzaw suangpi kiangah hong pi in.
3 Keima bukna nang na hi-a,
ka galte langkhatah tausang muanhuai na hi hi.
4 Nangma puanbuk sungah ka teng tawntung nuam a,
nangma khate liim ka beel nuam hi.
5 Keima kiciamnate na za khin hi Pasian aw;
na min a kihtate’ goutanh keimah nong pia khin hi.
6 Khang tampite adingin
kumpite’ nuntak hun le kumte sotto in.
7 Pasian omna ah amah om den dingin
na itna le na muanhuaina amah dalsak in.
8 Tua ciangin nisimin ka thuciamnate tangtunin
na minphatna la ka sa tawntung ding hi.