43
1 Pasian aw, ka dikna langsak inlaa pasian-milo minam khat langah hong gum in;
zuautheite le migilote panin hong hu in.
2 Nangmah Pasian keima kulhpi na hi hi.
Bang hangin kei hong nolh na hi hiam?
Bang hang ka galte nuainetsa in
thumin kawi vakvak tazen ka hi hiam?
3 Na khuavak le na thutak sawlkhia-in
kei hong makaihsak in;
nangma tenna mun
na mual siangtho tungah
tuate in kei hong makaih uh hen.
4 Tua ciangin Pasian biakna-tau ah kei ka pai dinga,
ka nuamna le ka nopsakna ahi Pasian kiangah ka pai ding hi.
Keima Pasian, Pasian aw,
harp-in nang kong phat ding hi.
5 Ka hinna aw, bang hangin lungkia na hi hiam?
Bang hangin ka sungah buai na hi hiam?
Keimah in ka Honpa le ka Pasian
phat lai ding ka hi manin
Pasian lamen in.