BU II
Phatna-la 42-72 aa
Tumtheih makaipa ading. Korah’ Tapate maskil bb khat.
42
1 Luitui duhin sazuk a tungnak bangin,nang hong duhin ka hinna tungnak hi, Pasian aw.
2 Pasian, a nungta Pasian lunggulhin ka hinna a dangtak hi.
Cik ciangin Pasian tawh kimu dingin pai thei ding ka hi hiam?
3 Sun thapai-in mite in,
"Na Pasian koi ah om hiam?" hong cih laiteng
sun le zanin
ka khitui anin ka nei hi.
4 Ka hinna ka sunkhiat kawmin
hih nate ka phawk hi:
Pasian inn lam zuanin
mipite tawh tonkhawm a,
lungdam kohna pawi bawl mihonpi makaihin
lungnuama ka otzia ka phawk hi.
5 Ka hinna aw, bang hangin lungkia na hi hiam?
Bang hangin ka sungah buai na hi hiam?
ka cc Pasian phat lai ding ka himanin
Pasian lamen in.
Keima sungah ka hinna a lungkia hi;
tua ahi manin Jordan leitang pan,
Hermon asannate pan - Mizar Vum panin
nang kong phawk ding hi.
7 Tui thukpi in na tuizeu hawk sungah
tui thukpi sam a;
na tuihualte le na tui kilokte khempeuh in
ka tungah hong nawk uh hi.
8 TOPA in sunin a itna hong lak a,
zanin ka nuntakna Pasian tungah ka thunget ahi
ama la-in hong ompih hi.
9 Keima Suangpi Pasian tungah
"Bang dinga hong mangngilh ta na hiam?
Bang hangin ka galte nuainetsa in
thumin kawi vakvak tazen ka hi hiam?" ka ci hi.
10 Ka galte in sun nilohin
hong selnoh uh a kei tungah,
"Na Pasian koi-ah om hiam?" hong ci uh a
ka guhte hong teep hi.
11 Ka hinna aw, bang hangin lungkia na hi hiam?
Bang hangin ka sungah buai na hi hiam?
Ka Honpa le ka Pasian
phat lai ding ka hi manin
Pasian lamen in.