Tumtheih makaipa ading. TOPA nasempa David phuah.
36
1 Gilopa mawh nei hihna ba tawh kisaika lungsim ah thu khat suak a:
Pasian kihtakna ama mit ah a om kei hi.
2 Ahang in, a khialhna kimukhia ding le a
mawhna hua dingin amah le amah kiphat lua hi.
3 Ama kampaute gilo-in zuauthu hi a;
pil nading le na hoih sep a khawl ta hi.
4 A lupna tung nangawn ah siatna geelgeel a;
mawhna bawlin,
khialhna a nolh kei hi.
5 TOPA aw, na itna in vante bana,
na muanhuaina in huih khua ban hi.
6 Nangma thumaanna, a kho muallianpite tawh kibang a,
na thutangna tui thukpi tawh kibang hi.
TOPA aw, nang in mihing le ganhing na kem tuak hi.
7 Na itna kip cb a manphatna kiseh zo lo pi!
Mihingte lakah aniam asang in
na khate’ liim a bel uh hi.
8 Amaute in na inn sunga na neihsa tampitak tawh
pawi bawl uh a;
nang nopsakna gun panin
amaute dawn ding na pia hi.
9 Ahang in, nuntakna tuikhuk nang tawh om a;
nangma khuavak ah khuavak ka mu uh hi.
10 Nang hong theite tungah na itna zomsuak inla
lungsim thutangte tungah na thumaanna zom in.
11 A kisatheite khe kei langkhat ah hong kuan kei henla,
migilote khut in kei hong hawlmang kei hen.
12 En in, siatna bawlte pukin tuk uh a -
a tho thei lo dingin kisawnpai hi!