David phuah
26
1 Genbaang lo a nungta ka hi manin,dik hong tangsak in TOPA aw;
lunghiang loin
TOPA kong muang hi.
2 Hong zia-et in TOPA aw, kei hong sin dih in,
ka lungtang le ka lungsim hong sittel in;
3 nangma itna ka mai-ah om tawntung ahi manin,
na thutak ah ka kalsuan den hi.
4 Zuauthei mi tawh tukhawm loin
kineihsiamte tawh ka kikhawl kei hi.
5 Asia-a gamtate kikhopna ka kih a,
mi gilote tawh ka tutkhawm ding ka nial hi.
6 Mawhpengin ka khut ka sil a,
na biakna-tau kimkotah ka pai hi TOPA aw,
7 ngaihtakin nang phatna ka tangko a,
na sepsa a lamdang khempeuh ka gengen hi.
8 Na tenna inn,
na minthanna tenna mun ka it hi, TOPA aw.
9 Ka hinna mawhneite tawh,
ka nuntakna sisan suah mite tawh lakhawm mang kei in;
10 amaute khut in gitloh sawma,
a ziatlam khut uh golhgukte tawh a kidim hi.
11 Ahi hangin kei kawkbaang loinka nungta hi;
hong tankhia inla kei hong lainat in.
12 Lei taamna ah ka ding hi;
mi tampitak kikhopna ah TOPA ka phat ding hi.