Tumtheih makaipa ading. Tumging khausai-a kisa David phatna-la khat.
4
1 A thuman ka Pasian aw,nang kong sap ciangin hong dawng in.
Ka lungdonna pan hong zangkhaisak inla,
kei hong lainatin ka thungetna hong za in.
2 Mihingte aw, ka minthanna bangtanvei maizumna suaksak lai ding na hi uh hiam? ca
Bang tanvei ngaihsut khialhna itin pasian manlote zong lai ding na hi uh hiam? db
3 TOPA in a pasian-mite ama adingin sehtuam ahilam thei un;
TOPA ka sap ciangin amah in hong za ding hi.
4 Na heh laitakun mawh kei un;
na lupna tunguah
dai dide in ngaihsunsun un.
5 Biakpiakna maan lui unla
TOPA muang un.
6 Mi tampi in, "A hoih khatpeuh kuan hong lak thei hiam?" ci-in dong uh hi.
TOPA aw, na maitang vang kote tungah hong tangsak in.
7 Amaute in an le zuthak a hauh hun ua a lungnop uh sangin
a lianzaw lungnopna tawh ka lungsim nong dim hi.
8 TOPA aw, nang bekin
lungmuang takin hong tengsak na hi manin
lumsukin lungnuamin ka ihmu ding hi.