24
1 "Bang hangin Thahatpenpa in a thukhen hun ding seh lo ahi hiam?Bang hangin amah a theite in tua nite mu lo uh ahi hiam?
2 Mihingte in gamgi suangte a khin uh hi;
a guksa uh tuuhonte a cing uh hi.
3 Amaute in tagahte’ laanote nawhmangsak uh a,
a kamciam tangun meigongte bawngtal a laksak uh hi.
4 Lampi ah a tasamte sawnpai uh a,
leitunga mizawngte thatang hatthu in a busak uh hi.
5 Sehnelgama gamsung laate bangin
mizawngte in nasemin a an ding uh zongtawm uh a;
gam tulsa panin a tate uh an ding a ngah uh hi.
6 A gan an ding uh lopaang ah zong uh a,
migilote lenggui ah a sangh kaikhawm uh hi.
7 Puansilh nei loin, zan ciangin guaktangin om uh a;
a silh ding uh bangmah nei loin khuadam a thuak uh hi.
8 Mualtung guahte in amaute kawtgawpsak a,
belh ding nei loin suangtumte a kawi tentan uh hi.
9 Pa nei lo naupangte a nu ang pan kibotkhia a;
mizawngte tanote leiba tangin kilaksak hi.
10 Puansilh ding nei loin, amaute guaktangin vak uh a;
buhphalte pua napi gialkial lailai uh hi.
11 Leicialte aa lakah olive gah gawi uh a,
lenggah sukna ah lenggah cil napi a dangtak lailai uh hi.
12 Khuapi sung panin a sikuana humhamna le
a liamsa a huh ding ngente aw kiza hi.
Ahi hangin Pasian in khat beek a mawhsak kei hi.
13 "Khuavak lampi a thei lo
ahikeh a lampi ah zong a om lo
a langdo pawlkhat a om hi.
14 Sun khuavak a bei ciangin mi thatpa tho a,
mizawngte le a tasamte a that hi;
zan ciangin gutate bangin a gukhia hi.
15 Angkawmte mit in khuamui ding vil a,
‘Kuama mit in hong mu kenteh,’ ci-in ngaihsun a,
a maitang a sel hi.
16 Mite in khuamial lakah inn tokham uh a,
ahi hangin sun ciangin a sungah a kikhakkhum uh hi;
khuavak sungin bangmah a sem nuam kei uh hi.
17 Amaute khempeuh aa in, khuamial bikbek amau zingsang bb ahi hi;
khuamial cc lauhuaina tawh a kilawmta uh hi.
18 Tua hi napi amaute tui maitang tunga tuiphuan suak uh a,
amau lenggah lo ah kuamah a kuan loh nadingin
amau tanh leitang a kihamsiat hi.
19 Guah kan hun le nisa in vuktui a hupkang bangin,
mawhna a nei mite hankhuk dd in a bawhkhia mang hi.
20 Naubu in amaute mangngilh a,
than in pawi an-in a nei hi;
migilote kiphawkkha nawn lo a,
singkung bangin kitan uh hi.
21 Amaute, taselte le numei ta nei lote tungah kivak ding uh a,
meigongte a hehpih kei ding uh hi.
22 Ahi hangin Pasian in ama vang tawh thahatpa lakkhiatsak a;
amaute a khantoh uh hangin nuntakna dingin khamuanna a nei kei uh hi.
23 Amah in amaute lungmuang takin tawlngasak a,
ahi hangin amaute lampi a encik gige hi.
24 Hun tomcik sung amaute kitawisang a, tua ciangin a mangthang uh hi;
amaute kiniamkhiat a, adangte khempeuh bangin a kikaikhawm hi;
amaute buhvui bangin a ki-atkhia hi.
25 Hih bang hi lo hileh ka khialhna kua in hong mawhmat thei a,
ka kammalte bangmah loin khiam thei ding ahi hiam?" a ci hi.