Job 25

Bildad

1 Tua ciangin Shuh mi Bildad in dawng a:

2  "Gam-ukna le kihtakna Pasian aa ahi hi;

amah in vantung a sangna ah thupiakna a bawl hi.

3  Ama galkapte a phazah kisim zo ding ahi hiam?

ama khuavak kua tungah tang lo ahi hiam?

4  Tua ahi ciangin Pasian mai-ah kua thumaan thei peuhmah ding ahi hiam?

Numei sunga suak mi peuhmah bangci siantho thei ding ahi hiam?

5  Ama mit ah khapi nangawn tangpha sa lo a,

aksite nangawn siangtho sa zo lo ahileh

6  tuate sangin tangteel bang lel mihing tapa -

than ahi mihing, nak neu zawk tham lo ding ahi hiam!" a ci hi.