Job
19
1 Tua ciangin Job in dawng a:2 "Bang tanvei hong bawlsia in kammal tawh
hong gawizan ding na hi uh hiam?
3 Kei sawmvei nong simmawh ta uh hi;
maizum het loin kei nong do uh hi.
4 A lamkhial takpi ka hileh zong,
ka khialhna kei guak tungah tusak mai un.
5 Kei tungah no le no na kitawisang uh leh
ka thuaknate kei langah pangsak mai un;
6 tua ciangin Pasian in kei hong mawhsak a
ka kimkotah thang hong siah ahilam thei un.
7 "‘Mawh khin ta’ng ei! ci-in ka kiko zongin, kuama dawnna ka za kei hi;
hong huh ding mi ka sap hangin thutanga khen a om kei hi.
8 Ka paisuak theih loh nadingin ka lampi khaktan khin hi;
amah in ka lampi khuamialin a tuamcip hi.
9 Hong kipahtawina hong hawkkhiatsak a
ka lu panin ka kumpi lukhu a lakhia hi.
10 Ka manthan dong a munmun panin hong balkhia a;
ka lametna singkung bangin a bulkalh hi.
11 Amah kei tungah heh lua mahmah a,
ama galin hong sim hi.
12 Kei sim dingin a galkapte hong kuan hi;
amaute in kei langah kulhkenbawlin hong umcih uh a
ka puanbuk kimkot ah giahphual a sat uh hi.
13 "Amah in ka sanggamte kei kiang panin pemkhiasaka,
ka meltheih khempeuh kei aa in midangpi suakkhin kiuhkeuh hi.
14 Ka tanaute paimang khin uh hi;
ka lawmte in hong mangngilh khin uh hi.
15 Ka lenglate le ka nasem numeite in mikhual-in hong ngaihsun uh a,
pemta bangin hong bawl uh hi.
16 Ka nasempa samin keima kamin thum taleng
hong dawng lo hi.
17 Ka zi in ka husan namsia sa-in,
ka sanggamte tektek adingin ka kihhuai hi.
18 Naupangnote nangawn in hong simmawh uh a,
hong muh khak uh ciangin hong zahnuihsan uh hi.
19 Ka kinaipih ka lawmte khempeuh in hong kih uh a,
ka it teng ka langah pang khin uh hi.
20 Kei bangmah hi loin guh le vun bek ka hi hi;
ka hani aa bek tawh ka suakta lai hi.
21 "Kei hong hehpih un lawmte aw, hong hehpih un;
Pasian khut kei tungah kinga zo hi.
22 Pasian hong hih bangin bang dia hong delh na hi uh hiam?
Ka sa khamzo nai lo na hi uh hiam?
23 "O, ka thugente kiciamteh henla,
tuate laizial tungah kigelh leh
24 tuate haknaw pek tungah bb sikzumin kikhuakin
ahikeh a omden dingin suang tungah kigelh zen leh!
25 Kei hong Tanpa cc a nuntak lam ka thei a,
ni tawpni ciangin leitung dd ah a din ding zong ka thei hi.
26 "Ka vun khempeuh a kisiat khit ee ciang
nangawnin ff ka satakin Pasian ka mu ding hi;
27 Kuamah dang ahi lo - kei mahmah in
ka mitin amah ka mu ding hi.
Ka sunga ka lungsimin nak ngaklah lua si’ng!
28 "‘Ama sungah lunghimawhna zung a om nungsang
bang i ci mawhmat zo ding hiam?’ na cih uh leh gg
29 thangpaihna in namsau-a danpiakna hong tun ding ahi manin
no mahmah in namsau kihta un,
tua ciangin thukhenna hh a om lam na thei pan ding uh hi," a ci hi.