Jerusalem Inn Thakte
11
1 Tu-in mipi makaite Jerusalem ah tengin adang mi sawma khatte khuapi siangtho Jerusalem ah teng dingin ai lawn uh a, a om lai kuate amau khua ciatah a teng uh hi. 2 Amau utthu-a Jerusalem a teng nuamte khempeuh a kipakta hi.3 Hihte, Jerusalem a teng khawk ukte ahi hi. (Tu-in Israel-te pawlkhat siampite, Levi-te, biakinnpi nasemte le Solomon nasemte suante Judah khuapi ah tengin, amau khuapi-a amau neihsa ciat ah a teng uh hi; 4 tua hun mahin Judah le Benjamin panate Jerusalem ah a teng uh hi):
Judah suante panin:
Parez’ suan Mahalalel tapa, Shephatiah tapa, Amariah tapa, Zechariah tapa, Uzziah tapa, Athaiah; 5 le Shelah’ suan Zechariah tapa, Joiarib tapa, Adaiah tapa, Hazaiah tapa, Col Hozeh tapa, Baruch tapa, Maaseiah ahi hi. 6 Perez’ suante Jerusalem a teng khempeuh galhang 468 a pha hi.
7 Benjamin suante panin:
Jeshaiah’ tapa, Ithiel tapa, Maaseiah tapa, Kolaiah tapa, Pedaiah tapa, Joed tapa, Meshullum tapa, Sallu 8 le a nungzuite Gabbai le Sallai - mi 928 pha hi. 9 Zicri’ tapa Joel amau makaipipa hi-a, Hassenuah’ tapa Judah in khuapi Khen Nihna ukpa ahi hi.
10 Siampite panin:
Jedaiah; Joiarib’ tapa; Jakin; 11 Pasian inn ukpa Ahitub’ tapa, Meraioth tapa, Zadok tapa, Meshullam tapa, Hilkiah tapa, Seraiah 12 le biakinnpi-a nasem amau huhte tawh - 822 pha a; Milkijah’ tapa, Pashhur tapa, Zechariah tapa, Amzi tapa, Pelaliah tapa, Jeroham tapa, Adaiah 13 le amah a huh innkuan lutangte tawh - 242 pha a; Immer’ tapa, Meshillemoth tapa, Ahzai tapa, Azarel tapa, Amashsai 14 le amah ba a huh galhangte tawh - mi 128 a pha hi. Amaute makaipipa Haggedolim’ tapa Zabdiel ahi hi.
15 Levi-te panin:
Bunni’ tapa, Hashabiah tapa, Azrikam tapa, Hasshub tapa, Shemaiah; 16 le Pasian inn pualam nasem uk Levi lutangte nih - Shabbethai le Jozabad; 17 lungdamkoh thungetna-a makai thuvanpipa Asaph’ tapa, Zabdi tapa, Mica tapa, Mattaniah hi a; amah a huhte a nihna pa Bakbukiah; le Jeduthun’ tapa, Galal tapa, Shammua tapa, Abda ahi hi. 18 Khuapi siangtho a om Levi-te a vekpi in 284 pha hi.
19 Kongpi cingte:
Kongpi cinga a vil Akkub, Talmon le amau naseppihte tawh - mi 172 pha hi.
20 A om lai Israel-te - siampite le Levi-te ahileh Judah khuapi dang khempeuh a amau luah leitang ciatah a teng uh hi.
21 Biakinnpi nasemte Ophel mualno tungah teng uh a Ziha le Gishpa-te in amaute a uk uh hi.
22 Jerusalem sunga Levi-te ukpipa Mica’ tapa, Mattaniah tapa, Hashabiah tapa, Bani tapa, Uzzi ahi hi. Uzzi pen Asaph’ suante hi-a, Pasian inn ah kikhop cianga lasak tavuan nei khat ahi hi. 23 Lasate, kumpipa khutnuai hi uh a, nisimin manmanin na a sem uh hi.
24 Judah tapa Zerah’ suante khat, Meshezabel’ tapa Pethahiah in mipite le kumpipa kikalah na khempeuh-a kizang pazang ahi hi.
25 Khua neute le a lote tawh kisai-in, Judah mite pawlkhat Kiriath Arba le a kima khuaneute ah, Dibon le a khuaneute ah, Jekahzeel le a khuaneute ah, 26 Jeshua ah, Moladah ah, Beth Pelet ah, 27 Hazar Shual ah, Beersheba le a khuaneute ah, 28 Ziklag ah, Meconah le a khuaneute ah, 29 En Rimmon ah, Zorah ah, Jarmuth ah, 30 Zanoah ah, Adullam le amau khuaneute, Lachish le a lote, le Azekah le a khuaneute ah a teng uh hi. Tua hi-a amaute a vekun Beersheba pan Hinnom Kuam zuatna lampi dung tengah a teng uh hi.
31 Geba pana Benjamin suante Michmash a tungte, Aija, Bethel le a khuaneute ah, 32 Anathoth, Nob le Ananiah ah, 33 Hazor Ramah le Gittaim ah, 34 Hadid, Zeboim le Neballat ah, 35 Lod le Ono le Khutsiamte Kuam ah a teng uh hi.
36 Judah gama om Levi-te pawlkhat Benjamin gamah a teng uh hi.