10
1 Tua lai-a seal tumte:Halcaliah’ tapa ukpipa Nehemiah.
3 Pashhur, Amariah, Malkijah,
4 Hattush, Shebaniah, Malluch,
5 Harim, Meremoth, Obadiah,
6 Daniel, Ginnethon, Baruch,
7 Meshullam, Abijah, Mijamin,
8 Maaziah, Bilgai le Shemaiah,
Hihte siampi ahi hi.
9 Levi-te:
Azaniah’ tapa Jeshua, Henadad, Kadmiel-te tapate Azaniah le Binnui,
10 le amaute a huhte: Shebaniah,
Hodiah, Kelita, Pelaiah, Hanan,
11 Mica, Rehob, Hashabiah,
12 Zaccur, Sherebiah, Shebaniah,
13 Hodiah, Bani le Beninu.
14 Mipi makaite:
Parosh, Pahath-Moab, Elam, Zattu, Bani,
15 Bunni, Azgad, Bebai,
16 Adonijah, Bigvai, Adin,
17 Ater, Hezekiah, Azzur,
18 Hodiah, Hashum, Bezai,
19 Hariph, Anathoth, Nebai,
20 Magpiash, Meshullam, Hezir,
21 Meshezabel, Zadok, Jaddua,
22 Pelatiah, Hanan, Anaiah,
23 Hoshea, Hananiah, Hasshub,
24 Hallohesh, Pilha, Shobek,
25 Rehum, Hashabnah, Maaseiah,
26 Ahiah, Hanan, Anan,
27 Malluch, Harim le Baanah.
28 "A omlai mite - siampite, Levi-te, kongpi cingte, lasate, biakinnpi nasemte le Pasian Thukham hanga a gamveng mite lakah amau le amau a kithehthang, thu theihkhin a zite uh le a tanu a tapate uh tawh - 29 hihte khempeuh in tu-in Pasian nasem Moses tungtawna kipia Pasian Thukham zuih ding le thupiakte, ngeinakipte le TOPA eite Pasian thukipte khempeuh limtaka a mang dingin a sanggam uliante tawh kizomin amau mah hamsia le kiciamna tawh a kikhih uh hi.
30 "Eite kimkot a mite tungah i tanute mokhak loin i tapate adingin amau tanute i pi kei ding hi, ci-in ka kiciam uh hi.
31 "Ka gamveng mite un Sabbath ni-a zuak ding sumbuk van ahikeh antang hong puak uh ciangin Sabbath ni ahikeh ni siangtho khatpeuh ni-in ka lei kei ding uh hi. Kum sagih simin lo ka kuan kei ding uh a, ka leiba khempeuh uh ka maisak ding uh hi.
32 "Thupiak zuihna in, eite Pasian inn a nasep nadingin shekel khat sehthum suah sehkhat aa piak ding ka tavuan uh hi, ci-in ka kiciam uh hi; 33 tua in sabuai tunga kikoih anlum ading, manmana kipia an-a biaknate le meihal biaknate ading; Sabbath ni-a biaknate, Kha Thak pawi le a kisehsa pawite ading; a siangtho biaknate ading; Israel-te thoihdamna ding, mawhna hanga biaknate le eite Pasian inn sunga nasep nading ahi hi.
34 "Thukham-a kigelhsa bangin ko - siampite, Levi-te le mipite in - kumsima a kisehsa hun zui-in TOPA eite Pasian, biaknatau-a cih ding sing, eite Pasian inn sungah innkuan simin a puak huna puak nading ai ka lawn uh hi.
35 "Ka anpalte uh le singkung a gah masa peuhmah kum simin TOPA inn ah puak ding tavuan lak dingin ka kiciam uh hi.
36 "Thukham a kigelhsa bangin siampite in Pasian inn sunga a zat dingun ka tapa upapen uh, ka bawnghonte uh tacil, ka ganhonte uh tacil le ka tuuhonte uh tacil kong puak ding uh hi.
37 "Tua tham loin Pasian inn a vankholna-a siampite tungah lei-a piang anpalte, an-a biaknate, singkung khempeuh pana gah masate, lenggahzu thak le sathaute ka puak ding uh hi. Tuateh ka nasepna uh khuapi khempeuh ah sawma khat a kaikhawm Levi-te ahi manin ka khawhsa uh an panin sawma khat, Levi-te ka puak ding uh hi. 38 Levi-te in sawma khat a san uh ciangin Aaron suan siampi khat tawh kithuah ding uh a, Levi-te in sawma khat pana a sawma khat, eite Pasian inn sunga vanmanpha kholna inndei ah a puak ding uh hi. 39 Levi-te a kihel Israel mite in amau piak an, lenggahzu thak le sathaute mun siangtho-a zat ding vante koihna, vankholna inndei le nasem siampite, kongpi cingte le lasate omna munah a puak ding uh hi.
"Eite Pasian inn eite in i thusim lo kei ding hi," a ci uh hi.