Siampite le Levi-te
12
1 Shealtiel’ tapa Zerubbabel le Jeshua tawh a ciah kik siampite le Levi-te:Sheraiah, Jeremiah, Ezra,
2 Amariah, Malluch, Hattush,
3 Shecaniah, Rehum, Meremoth,
4 Iddo, Ginnethon aa, Abijah,
5 Mijamin bb, Moadiah, Bilgah,
6 Shemaiah, Joiarib, Jedaiah,
7 Sallu, Amok, Hilkiah le Jedaiah-te ahi hi.
Hihte, Jeshua hun lai-a siampi makaite le a huhte ahi uh hi.
8 Levite, Jeshua, Binnui, Kadmiel, Sherebiah, Judah le Mattaniah zong, amah a huhte tawh lungdamkohna la makaite ahi uh hi. 9 Bakbukiah le Unni, amau a huhte tawh kikhop ciangin amaute tawh kigalsai-in a ding uh hi.
10 Joiakim’ pa Jeshua hi-a, Eliashib’ pa Joiakim, Joiada’ pa Eliashib, 11 Jonathan’ pa Joiada le Jaddua’ pa Jonathan ahi hi.
12 Joiakim hun lai-in siampi innkuan lutang hihte ahi hi:
Seraiah innkuan ah, Meraiah;
Jeremiah’ ah, Hananiah;
13 Ezra’ ah, Meshullam;
Amariah’ ah, Jehohanan;
14 Malluch’ ah, Jonathan;
Shecaniah’ ah cc, Joseph;
15 Harim’ ah, Adna;
Meremoth’ dd ah, Helkai;
16 Iddo’ ah, Zechariah;
Ginnethon’ ah, Meshullam;
17 Abijah’ ah, Zicri;
Miniamin’ le Moadiah’ ah, Piltai;
18 Bilgah’ ah, Shammua;
Shemaiah’ ah, Jehonathan;
19 Joiarib’ ah, Mattenai;
Jedaiah’ ah, Uzzi;
20 Sallu’ ah, Kallai;
Amok’ ah, Eber;
21 Hilkiah’ ah, Hashabiah;
Jedaiah’ ah, Nethanel;
22 Eliashib, Joiada, Johanan le Jaddua-te hun lai-a Levi innkuan lutangte, Persia mi Darius hun lai-a siampite ciamtehna sungah kihel hi. 23 Eliashib’ tapa Johanan hun dong Levi suante laka innkuan lutangte khangthu bu sungah kiciamteh hi. 24 Tuateh Levi-te makaite, Hashabiah, Sherebiah, Kadmiel’ tapa Jeshua le amaute huhte hi uh a, Pasian mipa David gualhsa bangin phatna le lungdamkohna a bawl uh ciangin amaute tawh kigalsai-in ding uh a, a dang khenkhat in a na dawng uh hi.
25 Mattaniah, Bakbukiah, Obadiah, Meshullam, Talmon le Akkub-te kongpi cingte hi uh a, kongpi-a vankholna inndei a cing uh hi. 26 Amaute in Jozadak’ tapa, Jeshua tapa, Joiakim hun sung le ukpipa Nehemiah le laithei siampi Ezra hun sungin na a sem uh hi.
Jerusalem Kulh Apna
27 Jerusalem kulh apna ah lungdamkohna late le tumtheih daltuah, harp-te le lyre-te tawh gualnuamtaka a ap dingin Levi-te amau tenna munmun ah kizongkhia-in Jerusalem ah kipuak hi. 28 Lasate in Jerusalem kim tengah khua nono sat uh ahi manin, Jerusalem kual kim teng - Netophath-te khuaneu pan, 29 Beth Gilgal pan, le Geba Azmaveth kimnai panin lasate a kipuak hi. 30 Thukham ngeina bangin siampite le Levi-te a kisiansuah khit uh ciangin mipite, kongpite le kulh a siansuah uh hi.
31 Judah makaite kulh zang ee tungah ka pai tosak hi. Lungdam koh nadingin lapawl lian nih ka seh hi. Pawlkhat kulh zang ff a taklam ah pai-in Ek Kongpi lam a manawh uh hi. 32 Hoshaiah le Judah makaite alang in amaute zui uha, 33 Azariah, Ezra, Meshullam te in zong zui-in, 34 Judah, Benjamin, Shemaiah, Jeremiah, 35 pengkul tawi siampi pawlkhat tawh kithuahin, Asaph’ tapa Zaccur tapa, Micaiah tapa, Mattaniah tapa, Shemaiah tapa, Jonathan tapa, Zechariah zong, 36 le amah a huhte - Shemaiah, Azarel, Malalai, Gilalai, Maai, Nethanel, Judah le Hanani-te in - Pasian mipa David sehsa bangin tumtheih nate tawh a zui uh hi. Laitheipa Ezra in mihonpi a makaih hi. 37 Tuikhuk Kongpi panin kulh-a kahtohna David khuapi kahlei zui to uh a, David inn khengin nisuahna lama Tui Kongpi lam manawhin a pai uh hi.
38 A nihna lapawlte in a lehlam a manawh uh hi. Amaute mipi a kimkhat tawh kulh tung gg zui uh a - Meikhuk Tausang khengin Kulh Zai ah 39 Ephraim Kongpi, Jeshanah ah Kongpi, Ngasa Kongpi, Hananel’ Tausang le Zakhat Tausang khengin Tuu Kongpi dong a pai uh hi. Amaute galvilna Kongpi ah a khawl uh hi.
40 Tua ciangin lungdamko lapawl nihte Pasian inn sung amau mun dingah om uh a; tua mah bangin uliante a lang tawh 41 siampite - Eliakim, Maaseiah, Miniamin, Micaiah, Elioenai, Zechariah le Hananiah-te pengkul tawi kawmin - 42 Maaseiah, Shemaiah, Eleazar, Uzzi, Jehohanan, Malkijah, Elam le Ezer tawh zong ka tonkhawm uh hi. Lapawlte in Jezrahiah makaihna zui-in la a sa uh hi. 43 Tua ni-in Pasian in amaute lungnopsak mahmah ahi manin a lian mahmah biakna pia-in nuam a sa mahmah uh hi. Numei naupangte zong a gualnuam uh hi. Jerusalem khua sunga gualnopna gamlapi panin kiza hi.
44 Tua huna khiat dinga kiseh gahmasa le sawma khat kholna inndeite a cing ding mi a kiseh hi. Siampite le Levi-te in na a sep uh ciangin Judah-te lungkim uh ahi manin siampite le Levi-te adingin Thukham in a kalh zah, khuapite kima lote panin vankholna inndei ah amaute in a puak uh hi. 45 David le a tapa Solomon thupiakna tawh kizui-in lasate le kongpi cingte in zong a hih ding bangun amaute Pasian nasepna le kisiansuahna nasepte a sem uh hi. 46 Ahang in, tanglai pek, David le Asaph hunin lasate ading, Pasian phatna le lungdamkohna lasate adingin a ukpa a na om khin hi. 47 Zerubbabel le Nehemiah hun lai-in Israel-te khempeuh in lasate le kongpi cingte adingin a nisim tanh uh a pia uh hi. Amaute in zong Levi-te adingin koihtuam uh a, Levi-te in Aaron suante adingin a koihtuam uh hi.