Ammon-te tawh Gal-kidona
19
1 Hih hun khit ciangin Ammon-te kumpipa Nahash si-a, a tapa in a kumpi za a luah hi. 2 David in, "Nahash tapa Hanun tungah ka mitgitna ka lak ding hi, bang hang hiam cih leh a pa kei tungah hong migi hi," ci-in a ngaihsun hi. Tua ciangin David in Hunan tungah a pa tawh kisai a dahpihna a lak dingin tangmi a sawl hi.Ammon-te gamah dahpihna thu gen dingin David mite a tun uh ciangin 3 Ammon-te uliante in Hunan kiangah, "David in na pa a pahtawina-in nang kiangah dahpihna lak dingin mi hong paisak um na hi hiam? Amah in khuapi sung encianin, thu kansimin a lumlet dingin a sawl hi lo ding ahi hiam?" a ci uh hi. 4 Tua ciangin Hunan in David mite mana a khamul uh metmaisakin a puantual uh a tawbo cianguah attansaka a nawhkhia hi.
5 David kiangah mi pawlkhat pai-in hih thu a gen uh ciangin amaute maizum kisa lua uh ahi manin amaute a dawntuah ding kamtai-te a sawl hi. Kumpipa in, "Na khamul uh a sau mateng Jericho ah om phot unla tua ciangin hong ciah un," a ci hi.
6 Ammon-te in David nakah gim namsia suak uh ahilam a kitheih uh ciangin Hanun le Ammon-te in Aram Nahariam, aa Aram Maacah le Zobah ah sakolleng le sakolleng hawlte cial nadingin ngun talent bb tulkhat a khak uh hi. 7 Maacah kumpipa in sakolleng tul sawmthum le tul nih sakolleng hawl tawh, le a galkapte kawmin amaute kuan uh a, Medeba gei-ah giahphual a sat uh hi; tua hun mahin Ammon-te amau khuapite pan kikaikhawmin galsim dingin a kuan uh hi.
8 David in hih thu a zak ciangin ama galkapte galsim thei khempeuh tawh Joab a kuansak hi. 9 Ammon-te paikhia uh a, amau khuapi lutna ah galdo dingin a kigual uh hi; tua laitakin amau thu-a a kuan kumpite gam sungah a om lai uh hi.
10 Joab in a nung uh le a mai uhah galte a kigualh lam a mu hi; tua ciangin amah in Israel sunga galkap siampente pawlkhat tengkhia a, Aram-te langah a pangsak hi. 11 A om lai ama mite a sanggampa Abishai uksak a, Ammon-te langah a pangsak hi. 12 Joab in kei lamah Aram-te a hatluat leh no kei nong hu ding uh a, no lamah Ammon-te a hat luat leh ken nang kong hu ding hi. 13 Kihatsak un, i mite le i Pasian khuapite adingin hangtakin i do ding hi. TOPA in ama muhna-ah a hoihin hong sem ding hi," a ci hi.
14 Tua ciangin Aram-te sim dingin Joab le amah tawh a pangkhawm galkapte kuan uh a, ama mai panin amaute a taikek uh hi. 15 Aram-te a taikek uh Ammon-te in a muh uh ciangin amaute zong a sanggampa Abishai mai-ah taikek uh a khuapi sung a tuh uh hi. Tua ciangin Jerusalem ah Joab a ciah hi.
16 Israel in amaute a delhkek lam Aram-te in a muh uh ciangin amaute in kamtai-te sawl uh a, Gunpi cc gal panin Aram-te in Hadadezer galkapte’ galkap mangpa Shophach maikai-in amaute a kuansak uh hi.
17 David kiangah hih thu a kigen ciangin amah in Israel khempeuh khawma Jordan galah a galkah uh hi; amaute lam manawhin kuan-a, amaute galkhatah a galkapte a kigualsak hi. Aram-te tawh kisi dingin David in kigualsaka, amaute in amah a do uh hi. 18 Ahi hangin amaute Israel mai-ah taikek uh a, David in amaute sakolleng hawl tul sagih le khe galkap tul sawmli a that hi. Amah in amaute galkap mangpa Shophach zong a that hi.
19 Israel-te in amaute a zawh lam uh Hadadezer inntengte in a muh uh ciangin David tawh kilemna bawl uh a, ama nasem a suak uh hi.
Tua bansiah Aram-te in Ammon-te a huh nuam nawn kei uh hi.