2 Khangthute
Thupatna
Khangthute nihna in David kumpi gui tangthu sutsuak hi. Alian 1-9 ah Solomon man’ lai-a biakinnpi lamzia gen hi. Alian 10-36 ah leitaw lama Judah kumpi-gam thu le Jerusalem kisusia a mite Babylon ah sal-a a kikaihna thu in zom hi.
1 Khangthute mah bangin Pasian le mite kizop ding a thupina lak hi. Lai gelhpa in kumpite thu a gelh ciangin Pasian tunga a muanhuaina uh tehna in nei-a tua bulphuh hi. Lai gelhpa in kumpi gilote man’ hun tom gena, a hoih kumpite’ thu ciangen diak hi.
Athu tomlahna
Solomon man’ hun (1:1-9:31)
Judah kumpite (10:1-36:14)
Jerusalem kisiatna (36:15-23)