Achan’ Mawhna
7
1 Ahi hangin a ki-apsa nate aa ah Israel-te a muanhuai kei uh hi. Judah beh Zerah tapa Zimri’ bb tapa Carmi’ tapa Achan in tua nate pawlkhat a la hi. Tua ciangin Israel tungah TOPA hehna a kuang hi.2 Joshua in Jericho panin Bethel nisuahna-lam Beth Aven gei-a om Ai ah mi sawla amaute tungah, "Pai to unla tua kual sung teng va kansim un," a ci hi. Tua ciangin mite pai to uh a Ai a va kansim uh hi.
3 Joshua kiangah amaute a kileh kik uh ciangin, "Ai sim dingin mi khempeuh kuantoh a kul kei ding hi. Tua khua la dingin mi tul nih ahikeh, tul thum bek kuansak lel in; mi tawmno bek om ahi manin mi khempeuh gimsak huai lo hi," a ci uh hi. 4 Tua ciangin mi tul thum khawng kuan to uh a; ahi hangin Ai mite in amaute na delhkekin 5 sawmthum le guk a that uh hi. Amaute in khuapi kongpi panin suangkhukte cc dong delh uh a muala tuahsuknate ah a that uh hi. Hih thu hangin Israel-te lungsim bei keii a, tuisik sat a bang uh hi.
6 Tua ciangin Joshua in a puansilh balkek a, TOPA’ singkuangpi mai lei lakah khupbawhin nitak dong a om hi. Israel upate zong tuaci om uh a, a lutung uah leivui a theh uh hi. 7 Tuateh Joshua in, "Ah, Thuneipen TOPA aw, kote hong susia ding, Amor-te khuta nong piak dingin bang hangin hih mite Jordan gal ah hong kahpihsak na hi hiam? Jordan galkhat mah ah na teng zaw le ung maw! 8 Topa aw, Israel-te a galte un delhkek ta uh hi. Bang gen nawn ding ka hi hiam? 9 Canaan-te le hih gam sunga om mite in hih thu za ding uh a, kote hong umin leitung pan ka min uh hong phiatsak ding uh hi. Tua ciangin a lian mahmah nangma min bang lawh ding na hi hiam?" a ci hi.
10 TOPA in Joshua tungah, "Dingto in! Bang hangin khupbawh niloh na hi hiam? 11 Israel mawh khin ta hi; amaute zuih dinga ka thupiak ahi ka thukhun a palsat uh hi. Amaute in a ki-apsa nate pawlkhat a la uh hi; amaute in gu uh a, zuauphuakin amau neihsate lakah a koih uh hi. 12 Tua hangin Israel-te in a galte uh nang zo lo uh a; amaute lehngatin a tai uh hi, bang hang hiam cih leh amaute in siat theih nading a bawl khin uh hi. Note lakah siatna sunga a ki-apsa peuhmah na suksiat phot kei uh leh note tawh ka omkhawm nawn kei ding hi.
13 "Pai inla mipite siansuah in. TOPA Israel Pasian in ‘Israel aw, note lakah a ki-apsa na om hi. Na paihkhiat matengin na galte uh langah na ding thei kei ding uh hi,’ ci ahi manin zingciang adingin no le no kisiansuah ciat un," ci in.
14 "‘Zingciang zingsangin, a bawng’bawng’in hong om kim ciat un. TOPA in a lak beh panin a bawng’bawng’in a mai-ah hong kipaisak dinga, TOPA in a lak bawng’te a inn kuankuanin a mai ah hong kipaisak in, TOPA in a lak innkuante a mimi-in a maiah hong kipaisak ding hi. 15 A ki-apsa na tawh a kiman khawmpa, ama kinaipih khempeuh tawh mei-in kisusia ding hi. Amah in TOPA’ thukhun palsatin Israel a maimawlsak zo hi!’ ci in," a ci hi.
16 A zingciang zingsang tungin Joshua in Israel-te a behbeh in a mai ah paisak a Judah a kiman hi. 17 Judah bawng’te a mai-ah paikhia a Zerah-te a kiman hi. Zerah bawng’te a mai-ah a innkuankuanin paisak a Zimri a kiman hi. 18 Joshua in ama innkuanpihte a mimalin a mai-ah paisak a Judah beh a Zerah tapa Zimri’ tapa Carmi’ tapa Achan a kiman hi.
19 Tua ciangin Joshua in Achan kiangah, "Ka tapa aw, Israel Pasian TOPA dd minthangsak inla, amah phatna puak in ee. Na hihsa hong gen in; kei tungah hong im kei in," a ci hi.
20 Achan in, "Thumaan hi! TOPA, Israel Pasian tungah ka mawh khin hi. Ka hihsa hih ahi hi: 21 Van lakte lakah Babylon ff puan melhoih khat le ngun shekel gg zanih tawh, shekel hh sawmnga a khai kham tawn khat tawh ka muh ciangin iplah lua-in ka la mah hi. Tuate ka puanbuk sung leilakah ngun nuainunin ka sel hi," ci-in a dawng hi.
22 Tua ciangin Joshua in sawltakte sawlin, amaute puanbuk ah va tai uh a, tua lai-a puanbuk sungah ngun nuainungsakin a na kisel takpi hi. 23 Amaute in puanbuk sung panin nate lakhia uh a, Joshua le Israel khempeuh kiangah puakin TOPA mai-ah a phalh uh hi.
24 Tua ciangin Joshua le Israel khempeuh in Zerah’ tapa Achan, a ngun, a puan, a kham tawn, a tanute, a tapate, a bawnghonte, a laate le a tuute, a puanbuk le a neih khempeuh, Achor Kuam ah a paipih uh hi. 25 Joshua in, "Bang hangin i tungah hih siatna hong tun zenzen na hi hiam? TOPA in tuni-in nang tungah siatna hong tungsak ding hi," a ci hi.