ɄYɨɨsʉ vɨ aalesiitse amaka ga vʉtulanongwa
6
1 Lɨno tʉte kɨki?
Ndeeti,
twongeletse ʉkʉvomba ʉvʉtulanongwa pakʉta ʉNgʉlʉve oongeletse ʉkʉtʉhʉngʉkɨla nʉ kʉtʉsyɨkɨla?
2 Baako!
Pa kulongwi jya vʉtulanongwa,
ʉwe lɨno tʉvye ʉngata misimba.
Pwʉ ʉkʉkongana nɨɨlyo natʉkaweese ʉkʉgendelela ʉkʉvomba ʉvʉtulanongwa.
3-4 Mulʉmanyage ʉkʉta,
ʉpwʉ twootsiiwe twɨɨhanziitse nʉ Mesiya ʉYɨɨsʉ,
kwʉ kʉta twale ʉngata tʉsue nʉ kʉsɨɨlwa paninie nʉ mwene.
Kʉmbele ʉMesiya ʉjwa aatsʉʉsiiwe kʉ wɨɨmɨkiwa ʉvʉlʉti wa Ngʉlʉve,
nʉ kʉkongana nɨɨlyo,
ʉwe najyʉwe tʉveetsage nʉ lʉgendo ʉlʉpya mu vʉtaamo wiitu.
5 Lɨno,
ʉlwakʉva twɨɨhanziitse nʉ Kɨlɨsiti mu vʉswe wa mwene ʉpwʉ twootsiiwe,
na kʉ nzɨla ɨjyo tʉkahwanana nave mu vʉswe wa mwene,
pwʉ jɨlweli ʉNgʉlʉve ikʉtʉhwananitsa nʉ mwene mu vʉtsʉʉka wa mwene.
6 Manya tʉlʉmanyile ʉkʉta ʉvʉmuunu wiitu wa katale waabudilwe paninie nʉ Kɨlɨsiti pa kɨdamingʼanie,
pakʉta ʉvʉmuunu wiitu wa katale vʉleke ʉkʉtʉtavala nʉ kʉva vavanda va vʉtulanongwa ikange.
7 Lola,
ʉmuunu angaswe ndavʉle,
iiva imbopolwa lwoni ʉkʉhʉma kʉ maka ga vʉtulanongwa.
8 Lɨno,
ʉlwakʉva twasue paninie nʉ Kɨlɨsiti,
tukwɨdɨka ʉkʉta tʉlataamaga paninie nʉ mwene.
9 Manya tʉlʉmanyile ʉkʉta ʉKɨlɨsiti aatsʉʉkile,
nalaaswe ikange,
nʉ vʉswe vʉtsila maka kʉ mwene ikange.
10 Ʉpwʉ aasue,
aasue kapamato vʉvʉle,
a akava avʉlemile ʉvʉtulanongwa wooni.
Ʉlʉ lɨno mwʉmi,
na mu wʉʉmi wa mwene ikʉmmovosa ʉNgʉlʉve.
11 Ʉnyie najyʉnyie mwɨvonage ʉkʉta mwasue paninie nʉ mwene,
ʉvʉtulanongwa navʉkaweese ʉkʉvalongotsa ʉnyie ikange.
Ikange mwɨvonage lɨno mulɨ vʉʉmi,
na mu wʉʉmi wiinyo mukʉmmovosa ʉNgʉlʉve kʉ nzɨla jya kʉmwɨdɨka ʉMesiya ʉYɨɨsʉ.
12 Pwʉ lɨno mulekage ʉkʉvʉpa ʉvʉtulanongwa ʉvʉtavʉlɨlwa wa kʉgɨlongotsa ɨmihana giinyo ɨgɨlaaswa.
Mungavʉpe ʉvʉtulanongwa ʉwa ʉvʉtavʉlɨlwa,
jʉvukʉvakwega mukongage ʉvʉnogwe ʉvʉviivi wa mihana giinyo.
13 Mulasivɨɨkaga isipagɨka sya mihana giinyo sive sya kʉvombela ʉvʉtulanongwa.
Apeene mwɨhʉmye kwa Ngʉlʉve,
manya mulɨ nda vaanu avatsʉʉsiiwe nʉ Ngʉlʉve,
nʉ kwingitswa mu wʉʉmi ʉvʉpya.
Ikange muhʉmye kwa Ngʉlʉve isipagɨka sya mihana giinyo sivombage imbombo tsa vʉgolosu.
14 Lola,
ʉvʉtulanongwa navʉkavaleme ikange,
ʉlwakʉva lɨno namulongotsiwa nʉ vʉtavʉlɨlwa wa ndagɨlo,
apeene ʉNgʉlʉve,
kʉ lʉhʉngʉ lwa mwene,
vɨ ikʉvalongotsa.
Avakongi va Yɨɨsʉ vavanda va kʉkonga ʉvʉgolosu
15 Lɨno tʉte kɨki?
Ndeeti,
twongeletse ʉkʉvomba ʉvʉtulanongwa ʉlwakʉva ʉNgʉlʉve atʉhʉngʉkye nʉ lwakʉva natulongotsiwa nʉ vʉtavʉlɨlwa wa ndagɨlo ikange?
Baako!
Tʉleke ʉkʉvomba ewo.
16 Jɨlweli mulʉmanyile vʉnonu ʉkʉta mungɨhʉmye kʉ muunu nʉ kʉvomba itsʉ inogwa,
pwʉ mukʉmwɨdɨkɨlaga ʉmuunu ʉjwa,
ʉnyie mwiva mulɨ vavanda va mwene.
b Kwʉ kʉta mungakongage amasaago ga mwene amaviivi mwiva vavanda va mbiivi.
Pwʉ ɨkihʉmɨla pɨɨlyo wʉ vʉswe.
Apeene mungankongage ʉNgʉlʉve mwiva vavanda va mwene,
pwʉ ɨkihʉmɨla pɨɨlyo wʉ vʉgolosu.
17 Wʉ mwale ʉnyie,
manya mwale vavanda va vʉtulanongwa.
Lɨno ndikʉnsaana ʉNgʉlʉve ʉlwakʉva ʉnyie mwɨdiike imanyiiso tsa Vʉkɨlɨsiti itsʉ mwʉpɨlye,
ikange mukʉtsikonga kʉ numbula jyoni.
18 Tʉnsaanage ʉNgʉlʉve,
manya avavopwe ʉnyie muleke ʉkʉva vavanda va vʉtulanongwa,
avavɨɨkile vavanda va mwene pakʉta mukongage ʉvʉgolosu.
19 (Ndɨtsovile mu kɨhwananitso ɨkyo ɨkya vʉvanda pakʉta muweese ʉkʉlʉmanya ɨkitsowa,
manya ʉnyie namulɨ nyango ʉkʉlʉmanya ʉwajɨlweli.)
Wʉ mukaanale ʉkʉmmanya ʉYɨɨsʉ,
mwahʉmyaga isipagɨka sya mihana giinyo sivombage imbombo tsa vʉlami nʉ kwongeletsa ʉkʉvomba ʉvʉtulanongwa.
Lɨno,
ndʉwʉ mulʉmanyile,
muhʉʉmyage kwa Ngʉlʉve isipagɨka sya mihana giinyo sivombage imbombo tsa vʉgolosu pakʉta mutaamage vavombi va Ngʉlʉve.
20 Ʉpwʉ mwale vavanda va vʉtulanongwa,
mwale vavopolwa kwa Ngʉlʉve,
namwakongage ʉvʉgolosu wa mwene.
21 Ndeeti,
ɨmisɨkɨ ɨgyo ʉpwʉ mwavombaga imbombo itso itsʉ lɨno mwivona soni kʉ tsyene,
mwakavile lʉvʉmbʉlɨlo lʉki?
Ʉwajɨlweli wʉ ʉvʉ,
itso tsitsila lʉvʉmbʉlɨlo ʉlʉveetsaga,
ɨkihʉmɨla pɨɨlyo wʉ vʉswe wa sikutsooni!
22 Ʉnsɨkɨ ʉgʉ,
muvopwilwe nʉ Ngʉlʉve,
namulɨ vavanda ikange va vʉtulanongwa,
mulɨ vavanda va mwene.
Lɨno mulɨ nalwo ʉlʉvʉmbʉlɨlo,
kwʉ kʉtaama vavombi va mwene.
Pwʉ ɨkihʉmɨla pɨɨlyo wʉ wʉʉmi wa sikutsooni.
23 Lola,
ʉmuunu ʉvaveetsaga ʉvɨ mbanda va vʉtulanongwa,
ʉlʉhombo lwa mwene wʉ vʉswe wa sikutsooni.
Lɨno ʉNgʉlʉve ikʉtʉpa ʉwʉʉmi wa sikutsooni,
ikange ʉwʉʉmi ʉwa nalwiva lʉhombo,
apeene lwiva lwokelo kʉ nzɨla jya Mesiya ʉYɨɨsʉ,
ʉNtwa viitu.