1 Peterus
Yesus wepra deipu ngebo, er si Peterusdi, menmena taru sekeipseu upu
Abuku seku deiyo ngeboda, Peterus kuramu. Peterusda, Yesusdi wepra deiamu neng, sun 12 neng kankan ton kuramu. Yesus cap embaramudi, er upu gekepra teka tenepudi, dombaramu. Tonda, amenda taru Peterus cap, Paulus cap, antapdareidi, Peterusdi Paulus cap, er sengamu surat yuma cap, ila di kael keamu (2 Peterus 3:15-16, Galatia 1:18; 2:1-21). Peterusda, Yahudi yala ngebo kuramu dinin, Yunani upu ton kael keamu. Asurat seku taruda, er kabo Silasdi melipra asurat seku. Ada, Peterusdi aupu lap pepupa, Silasdi sekra deipu (5:12).
Peterusdi, surat butene sekra, teka tenena nesala damai dokotepu. Abukuda, menmena seku surat. Asurat seku deiyoda, weik akapu dinin, ton ngeda, ‘Teka tenena nesala epmengedi, sun dipru kwa dipkamne’ tenen, seku. Tonda, Allah er kange dipapu bicau teneseredi, melimsere keca, ‘Weika di kael kepkameng’ tenen, seku. Tonda, ‘Ikin keca kupserya peda, kange tenimtona gum di, dimpeprap, teka tenenapu kunkameng’ tenen, asurat seku.