Yakobus
Yesus, er weit bo sisa Yakobusdi, surat sekeipu upu
Yakobusda, menmena taruda, Yesus tep teka men tenepu (Yohanes 7:2-5). Dinino, amenda taruda, Yakobusdi, Yesus tep, teka tenepudi, Yesus dombaramu. Yesus tep, teka teneramudi, amenda taru, Yerusalem mutu teka tenerami nesala, sun deiyo ngebo ton kuramu (Galatia 2:9). Paulusdi Yerusalem mutu beu taruda, Yakobus ton antaprei (Galatia 1:19).
Yakobusdi, ‘Yahudi yala teka tenerami nesaladi, abuku dopra epmengedi, aupu teka tenenkameng’ tenen, abuku seku. Asurat dopropi nesalada, Yahudi yala neng, Yerusalem mutu nesala kurami. Dinino, Yerusalem mutu neitamai, tenpu ngebo er sida Espanus, Yesus er kai telep upu peterepupa, mali nengdi, gel dopra er nong deiki dokotepidi, poptapi. Ataru di gonga kepra, teka tenena gum nesaladi, teka tenena nesala tep, ikin keca weik sun nong deiki derirami. Ukuramipa, Yerusalem mutu teka tenena nesala weika di, amutu tapra, dana-dana tara yuma sepra bendopi. Ange tep nengeda, sun gereja deiyo ngebo Yakobusdi, ‘Sun dipru kwa dipkamne’ tenen, abuku sekudi dokotepu.
Yakobusdi, ‘Angeda ila mambule’ tenen, sekeipseu ngeda, ‘Yesus tep teka tenenge nesala yumada, tali upu deiki di, “Ne teka tenenune,” peptapra tali-tali men kunkameng dinin, tek sisi dumsisipu kunkameng’ tenen, seku.