2 Tesalonika
Paulusdi, Tesalonika mutu teka tenerami nesala tep, butene taru sekeipu upu
Paulusdi, Tesalonika mutu teka tenerami nesala tep, asurat butene taru seku.
Paulus cap, Silas capdi Tesalonika nesala tep, Allah upu peteremamrei. Tonda Timotiusdi peteremamu (1 Tesalonika 3:1-5). Sun yuma peteremamipa, Yahudi yala nesala cap, Yahudi yala gum nesala cap teka tenerami dinin, weik ngeda, Yunani nesala teka tenerami. Dinino, mali nengdi ikin keca weik sun nong deiki deriramya tep, Paulusdi, ‘Tesalonika nesala sun dipru kwa dipkamne’ tenen, asurat seku.
Abuku neitamaida, Paulusdi, ‘Aupuda ila mambule’ tenen, sekra deipseu ngeda, ake. Ton ngeda, “Teka tenena gum nesaladi, ikin keca nun nong deiki deipsenga peda, Yesus tamna gum, pio pe deipra telep kunkamrume,” pepu. Ton ngeda, “Allah teneseretopu, pio dumsisipu kunkamrume,” pepu. Ton ngeda, Yesusdi tuai mutu tamupra yankamre taru tep, upu weik ton tapakra asurat neitamai seku. Ton ngeda, “Nun du bo Yesusdi doryankamsera tep, ‘Pel donada, nun dabale’ tenena gume,” pepu.