1 Tesalonika
Paulusdi, Tesalonika mutu teka tenerami nesala tep, menmena taru sekeipu upu
Paulusdi, Tesalonika mutu teka tenerami nesala tep, asurat menmena taru seku.
Asurat seku ngeda, Korintus mutu neitamai kuramu taru di seku. Tesalonika mutuda, ila ati arum domi mutu kuramu. Paulus cap, Silas cap, Timotius capdi, Tesalonika nesala tep, Allah upu peteremamipa nimi weik teka tenerami (1 Tesalonika 3:1-5; Rasul 17:1-4). Tesalonika nesala teka teneramipa, mali nengdi ikin keca weik sun nong deiki deriramya tep, Paulusdi, ‘Tesalonika nesala sun dipru kwa dipkamne’ tenen, asurat seku.
Abuku neitamaida, Paulusdi, ‘Aupuda ila mambule’ tenen, sekra deipseu ngeda, ake. Tenpu ngeda, “Teka tenena gum nesaladi, ikin keca sun nong deiki deipsenga peda, Yesus tamna gum dipapu, pio pe deipra teleppu kunkamrume,” pepu. Ton ngeda, “Allahdi teneamseutopu, pio dumsisipu kunkamrume,” pepu. Ton ngeda, “Yuk neng ton Yesus tep konum teka tenepi dinin, Yesusdi tuai mutu tamupra kapul men yankamre taru konum depmengopda, Yesus er damai bena kunkameng dinin, amenda taruda Kristus cap kikiman tamupra yankamenge,” pepu. Ton ngeda, “Tumi-tumi yuma sun pel telep kupra donkamrume. Nun du bo Yesus doryankamsera tep, ‘Pel donada, nun songe,’ tenena meme,” pepu.