Kolose
Paulusdi, Kolose mutu teka tenerami nesala tep, sekeipu upu
Abuku seku deiyo ngeboda, Paulus kuramu. Abukuda, Kolose mutu nesala kuramidi, teka tenerami nesala tep sekra dokotepu. Asurat seku taruda, Roma mutu neitamai dinin, wenemna ati dongopmemeipa, teka tenena nesala tep, surat weik sekra dokotemamu. Ton ngeda Efesus, ton ngeda, Kolose, ton ngeda Filipi, ton ngeda Pilemon sekra dokotemamu. Paulusdi, Efesus mutu peteremamu taru neitamai, tenpu ngebo er sida Epafras teka tenepudi, Yesus er kai telep upu dopra, Kolose mutu nesala tep, lap perbeupa, nimi weik teka tenepi. (Rasul 19:10, Kolose 1:7-8).
Abuku neitamaida, Paulusdi, ‘Aupuda ila mambule’ tenen, sekra deipseu ngeda, ake. Ton ngeda, mok upu peteremna nengdi mali upu peteremamipa, Paulusdi asurat deiki, tek sisinge pepudi, lepsikra peterepu. Aupuda, ake. “Jen keca yala-yala yumada jeptepe, jen keca yala yuma tep, angeda mem keca cadi, men jeptepe,” men peptepe. Ange utopu, “Mem pel yala-yala yuma adipapu tamkamrume,” pepu. “Kristusda, akeca-keca deiki tara kuredi, nun ila deiyo ngebo kuserura tep, er upu gekepmepedi, er sipu eremkamepe. Kristusda, Allah dana tara, nimi dana tara, antamdina deiyo ngebo kuserure. Im deiki pel don neng, sun malaikatda, mambul kunung dinin, sunda yambul mambule. Kristusda, ila mambul kurure,” pepu.