Efesus
Paulusdi, Efesus mutu teka tenerami nesala tep, sekeipu upu
Abuku seku deiyo ngeboda, Paulus kuramu. Abukuda, Efesus mutu nesala kuramidi, teka tenerami nesala tep, Paulusdi asurat sekra dokotepu.
Efesus mutuda, ila ati arum doami mutu kwamu. Nesala pio weik dana-dana tara yumadi, ‘Bung keca kunumbenkamep’ tenen, Efesus mutu baramidi kunumami. Paulusdi, keteng tamun weneri deiki di, amutu neitamai kuramudi peteremamu. Abuku neitamaida, Paulusdi, ‘Aupuda ila mambule’ tenen, sekra deipseu ngeda, ake. Tenpu ngeda, Allahdi nun yuma tep pumun taru teneamseunge cap, ‘Ukunkameng’ tenen, pediramseunge cap, lyepserepa amenda taru yuma, er si erepra gispal donkamepnge cap, akeca-keca yuma dopra, Kristus er amutara deipkamrenge cap, Allah er kange dipapu bicau teneamseudi, dipru dukdongopseupa, er cap, yuk teka tenena nesala cap, telep kupra kikiman kunkamepnge cap tep, upu pepu. Tonda, Allah er Lek Sambaladi, Allah er pel dona tep karesere pel dona deiyo keca tep, lap pepseu. Tonda, pumun taru mali-malipu kuramepu dinin, ukutaruda ukupu kange dipru kareserepa, Allah er puto deiki di dumsisipu kunkamnupe, Paulusdi pepu ngeda, asurat neitamai kurure.