Galatia
Paulusdi, Galatia tara teka tenerami nesala tep, sekeipu upu
Abuku seku deiyo ngeboda, Paulus kuramu. Paulusdi, Yesus teka tenepudi, Yesus dombaramudi, Allah upu buku weike sengamu. Abukuda, Galatia tara nesala kuramidi, teka tenerami nesala tep sekra dokotepu. Menmena taru peterep embaramupa, teka tenerami nesala kurami mutu sida, Antiokia cap, Ikonium cap, Listra cap, Derebe cap kwamu. Tonda Galatia tara nesala peteremamu.
Abuku neitamaida, Paulusdi, ‘Aupuda ila mambule’ tenen, sekra deipseu ngeda, ake. Sun Yahudi yala nengdi, Galatia tara teka tenerami neng tep, uperami. “Gume, Musa sekamseu mem upuda, tupa talepra dombankamrume. Menop taru den bam bol deiki tara sengamepunge cap, ‘Ajen kecada mem tep, men jenkamepe’ pepra, peteremamepunge, mem keca yuma peda, moupra tenepmumdi, pio men kunkamrume,” perami. Uperamidi, sun nong deiki ikin keca weik deriramya tep, Paulusdi asurat seku.
Paulusdi upepu. “Gume, Yesus tep teka tenepmepya deiki dipu, Allahdi adipapu lyemserure. Mem upu talepra dombana cap, yuk telep pel yala-yala yuma dona cap deiki di, telep kupra men deipdatepe. Tonda, nun telep pel donupa deiki di, Allah men lyemserure. Ange yumada, Yesus Kristus tep teka tenepmepyopda, Yesus depka deiki di konum kunupra lyepseua tep, akonuma. Allah er kange dipapu bicau teneseredi, lyemserure. Deiyoda, Kristusdi pel dopseudi, nun pununa tep depseuada, gekepmepedi, teka tenenupa deiki dipu, Allah lyemserure,” Paulusdi pepu.