Yohanes i

Yohanes

Nimi lyemna tep, Yohanesdi, Yesus er kai telep upu seku

Abuku seku deiyo ngeboda, Yohanes kuramu. Yohanesda, Yesusdi wepra deiamu neng, sun 12 neng kankan er ton kuramu. Tonda, Yesusdi, ‘Angebo ne upu peterembenkamre’ tenen, Yohanes ton upupupa, Yesus er upu peteremna tep, gonga kemna ngebo kuramudi, peterep embaramu. Markus cap, Matius cap, Lukas cap, konum sengami pangeda, erda amenda taru weneri ngebodi abuku sekeipseu. Yohanesdi, ‘Yunani nesala cap, yuk nesala yuma cap, ne buku dopra epmengopda, Yesusda, tek sisi nesala yuma Lyemna Deiyo Ngebo kurure, teka tenenkameng’ tenen, abuku seku.

Yohanesdi, ‘Angeda ila mambule’ tenen, sekeipseu ngeda, “Yesusda tek sisi Dirine cap, Tek Sisi Bisi cap, Tek Sisi Upu cap, Tek Sisi Gam Kuna Deiyo Ngebo cap kurure. Tonda, Yesusda Allah tenepunge cap, peipunge cap, angepu tenepra, pel dopra peteremamu. Allahdi, ‘Yesusda Nimi Lyemna Deiyo Ngebo kunkamra cadi, ware nesala do yuma, er tep teka tenepmengopda, lyepkamne,’ tenepudi, Yesus dokotepupa, Yesus tuai mutu yaue,” pepra, Yohanesdi sekeipseue (20:31).