Baŋa-Wɛ dɛ-kamunu kʋm taanɩ
4
Paŋwa Tu Baŋa-Wɛ daa ta ma ta DƖ wɩ:«Cɩga ŋwaanɩ tɩn, dɛ dɩm maa bɩɩna sɩ brɩ-n-tɩtɩ nyɩna bam dɩdaanɩ nɔn-balwaarʋ tɩm zwɛ kulə nɩnɛɛnɩ gaa te tɩn. Kʋ na maŋɩ kʋ yɩ yuu dɩdaanɩ nɛ maama, kʋlʋkʋlʋ daa bá daarɩ.a
2 Kʋ daarɩ, kʋ na yɩ abam balʋ na zuli amʋ yɩrɩ dɩm tɩn, amʋ dam dɩlʋ na jaanɩ vrɩm dɩ tui tɩn lagɩ dɩ ba á baŋa mʋ, nɩnɛɛnɩ wɩa na da ka nyɩɩnɩ te tɩn.b Dɩ maa wʋ́ ja zurim dɩ ba dɩ pa abam. Abam wʋ́ taá ve dɩ wʋpolo mʋ ga yalɩm, nɩ ba na pʋrɩ na-balɩ ba yagɩ yɩ sɩ faŋɩ sɩ duri te tɩn. 3 Dɛ dɩm kʋntʋ wʋnɩ, abam lagɩ á nɔnɩ nɔn-balwaarʋ tɩm baŋa nɩ mʋ, nɩnɛɛnɩ ba na mɛ napra ba tɔ fogo te tɩn. Amʋ Paŋwa Tu Baŋa-Wɛ na tagɩ te tɩn mʋ tɩntʋ.
4 Taá guli-na niə yalʋ amʋ na kwe a pa a tɩntʋŋnʋ Moyisi Sinayic piu kʋm yuu nɩ tɩn. Amʋ dɛɛn pɛ‑o a niə yam dɩdaanɩ a zaasɩm dɩm sɩ Yisɩrayɛlɩ tiinə bam maama taa tɔga.
5 Nii-na mʋ! Amʋ lagɩ a loori yigə mʋ a tʋŋɩ a nijoŋnu Eli abam tee nɩ, sɩ Baŋa-Wɛ dɛ-kamunu kʋm laan ba dɩ yi. Dɩntʋ dɛ dɩm nan wʋ́ tiini dɩ taa jɩgɩ fʋʋnɩ.d 6 Wʋntʋ ni-taanɩ dɩm lagɩ dɩ joori dɩ ja biə dɩdaanɩ ba kwə bɩcara mʋ dɩ ja ba jǝgǝ dɩdʋa. Kʋ na daɩ kʋntʋ, amʋ wʋ́ ba a sɔɔlɩ lwarɩm a pa á tɩga kam.»