Wɛ Nijoŋnu
Zonasɩ Tɔnɔ
Zonasɩ Tɔnɔ kʋm brɩ kʋlʋ na tu o baŋa dɩ o na kwaanɩ sɩ o vɩn Wɛ ni tɩn mʋ. Zonasɩ dɛɛn wʋ kɩ o wʋbʋŋa nɩ sɩ o ja kwǝrǝ kalʋ Wɛ na pɛ‑o sɩ o kwe o pa Ninivi tiinə bam tɩn. Ninivi dɛɛn yɩ Asiiri tiinə bam tʋ-fɔrɔ mʋ yɩ bantʋ dʋnɩ Yisɩrayɛlɩ tiinə bam. Zonasɩ maa ye wɩ: Ninivi nɔɔn-biə bam na vɩn ba lwarɩm yam yɩ ba daarɩ ba tɔgɩ cɩga, Wɛ daa bá vaŋɩ ba zwa. O wʋbʋŋa nan na joori yɩ o vu o tɔɔlɩ Wɛ kwǝrǝ o brɩ-ba tɩn, ba sɩɩnɩ ba vɩn ba lwarɩm yam kənə mʋ yɩ Wɛ yagɩ o ma cɛ-ba. Zonasɩ ma da kʋ ŋwaanɩ o pʋʋnɩ Wɛ. Wɛ ma brɩ-o wɩ: o yigə wʋ lʋgʋ baŋa tɩɩnɩ dɩm maama wʋnɩ, yɩ o wʋbʋŋa tɔgɩ sɩ nɔɔna maama mʋ pipiri ba yagɩ lwarɩm kǝm sɩ ba ba o te. Wɛ nan yɩ dɩlʋ sono na gaalɩ tɩn mʋ. DƖ maa jɩgɩ nɔɔna yibwənə yɩ DƖ kɩ-ba DƖ na lagɩ te tɩn.