Wɛ Nijoŋnu
Amɔsɩ Tɔnɔ
Amɔsɩ dɛɛn nuŋi Zuda tɩʋ kʋdoŋ wʋnɩ mʋ, yɩ Wɛ pa‑o kwǝrǝ sɩ o kwe o pa Yisɩrayɛlɩ dwi tiinə balʋ na wʋ baŋa seeni paarɩ laŋa kam nɩ tɩn. Maŋa kam kʋntʋ nɩ, dɩ tɩʋ kʋm dɛɛn nɛ yigə-vəŋə mʋ, yɩ kʋ nɔɔn-biə kɩ ba tɔgɩ Wɛ cwǝŋǝ cullu na yɩ te tɩn. Amɔsɩ ma ta dɩ ba nɩ: kʋ daɩ Wɛ cwǝŋǝ cɩga cɩga mʋ ba tɔga. Ba nan yǝni ba gooni yinigə tiinə mʋ. Ba sarɩya-dirə bam dɩ maa ba bʋrɩ taanɩ dɩ cɩga. Kʋ ma pa Wɛ wʋ cɔgɩ ba ŋwaanɩ. Amɔsɩ ma ta o brɩ-ba dɩ baarɩ nɩ: Yisɩrayɛlɩ tɩʋ kʋm dɩ maŋɩ kʋ ba garɩ tɩɩnɩ dɩlʋ na gilimi-kʋ tɩn. Kʋntʋ ŋwaanɩ, Wɛ wʋ́ vaŋɩ ba zwa mʋ, DƖ na lagɩ sɩ cɩga taa tʋŋa tɩn ŋwaanɩ. Nii 5:21-24.