Baŋa-Wɛ jɩgɩ DƖ nɔɔna sono
11
«Amʋ soe Yisɩrayɛlɩ kʋ nuŋi o biini nɩ mʋ.A ma bəŋi a bu-sono kʋm sɩ o nuŋi Ezipi nɩ o ba.a
2 A nan na tiini a koori Yisɩrayɛlɩ dwi dɩm
sɩ dɩ joori dɩ ba amʋ te tɩn
mʋ ba yɔɔrɩ ba ma ba kwaga ba ya amʋ.
A nɔɔna bam ma kɩ kaanɩm ba pa Baalɩ jwǝnǝ yam,
yɩ ba kwe pɛɛra ba zwɛ ba zuli jwǝnǝ yadonnə.
3 Amʋ mʋ zaasɩ Efrayim tiinə bam pa ba lwarɩ vəŋə.
A ma ja ba jɩa sɩ ba taa veǝ.
Ba nan wʋ maanɩ nɩ kʋ yɩ amʋ mʋ nii ba baŋa nɩ.
4 A ma tɔgɩ sono wʋnɩ a zaasɩ-ba,
nɩ a vaŋɩ-ba dɩ ŋʋnɩ mʋ tɩn.
A kwe-ba mʋ a daŋɩ a nyɔɔnɩ baŋa nɩ.
A ma tiiri tɩga nɩ a pa-ba wʋdiu sɩ ba di.
5 Ba nan wʋ́ joori ba vu Ezipi.
Asiiri tiinə dɩ wʋ́ taa te-ba,
ba na vɩn sɩ ba pipiri ba joori amʋ te tɩn ŋwaanɩ.
6 Najara wʋ́ tʋ ba tɩɩnɩ dɩm wʋnɩ.
Ba dʋna wʋ́ bwəri ba tɩɩnɩ dɩm ni bwəəru
ba dɩ tɩga nɩ.
Najara yam wʋ́ yɔɔrɩ ya cɔgɩ a nɔɔna bam,
dɩ ba na tɔgɩ ba tɩtɩ wʋbʋŋa te tɩn.
7 Ba wʋbʋŋa jaanɩ sɩ ba ja ba tɩtɩ ba nuŋi amʋ tee nɩ.
Ba ma loori zǝnǝ wɛyuu nɩ.
Dɩ kʋ dɩ, Wɛ bá lɩ-ba ba cam wʋnɩ.
8 Efrayim dwi tiinə bam,
a nan wʋ́ wanɩ a yagɩ abam mʋ na?
A bá wanɩ a dwanɩ a jɩŋa Yisɩrayɛlɩ tiinə bam baŋa nɩ.
A bá sɛ sɩ á na cɔgɩm,
nɩnɛɛnɩ cɔgɩm dɩlʋ na yi Adema dɩ Seboyim te tɩnb.
A wʋbʋŋa bá pa-nɩ cwǝŋǝ sɩ a kɩ kʋntʋ,
a na tiini a jɩgɩ abam ŋwaŋa tɩn ŋwaanɩ.
9 A bá pa a ban-lʋm zaŋɩ á baŋa nɩ.
A daa bá cɔgɩ Efrayim dwi tiinə bam.
Bɛŋwaanɩ, a yɩ Wɛ mʋ,
yɩ a daɩ nabiinu na yɩ te tɩn.
Amʋ yɩ Wʋ-poŋo Tu Baŋa-Wɛ mʋ
yɩ a wʋ abam tɩtarɩ nɩ.
A bá ba á te dɩ ban-zɔŋɔ.
10 Amʋ Baŋa-Wɛ wʋ́ suuri nɩ nyoŋo mʋ te,
pa a biə bam laan ba ba pu amʋ kwaga.
Cɩga tɩn, a na suuri kʋntʋ doŋ,
baá zɩgɩ wa-zʋʋrɩ seeni ba ba
yɩ ba yɩra saɩ.
11 Ba badonnǝ wʋ́ nuŋi Ezipi nɩ ba joori amʋ te,
yɩ ba yɩra saɩ nɩ zunə na pipəgi ba vwana sɩ ba jaanɩ te tɩn.
Ba badaara wʋ́ zɩgɩ Asiiri tɩʋ wʋnɩ ba ba,
nɩ kunkwən-puli doŋ te.
A laan wʋ́ ja-ba a joori ba sam
sɩ ba taa wʋra.»
Baŋa-Wɛ na tagɩ te tɩn mʋ kʋntʋ.
Baŋa-Wɛ jɩgɩ taanɩ dɩ Yisɩrayɛlɩ tiinə bam
Baŋa-Wɛ ta ma ta DƖ wɩ:
12 «Efrayim dwi tiinə bam jaanɩ vwan mʋ ba ba amʋ te.
Yisɩrayɛlɩ tiinə bam maa tiini ba jɩgɩ-nɩ ba gana.
Zuda tiinə bam nan tɔgɩ Wɛ kwaga mʋ ba kaagɩ ba beerǝ.
Ba jɩgɩ cɩga dɩ Wʋ-poŋo Tu wʋm.