Yisɩrayɛlɩ tiinə bam sɩɩnɩ ba ləni ba wʋbʋŋa na?
Nɔɔna bam maa wɩ:
6
«Pa-na sɩ dɩ́ joori dɩ́ Tu Baŋa-Wɛ dɩm te.Dɩntʋ mʋ tʋrɩ dɩ́ yɩra yam yɩra-yɩra,
DƖ nan wʋ́ joori DƖ sooni dɩbam.
DƖ ma pa dɩ́ na zʋnnɩ,
sɩ DƖ laan pa dɩ́ na yazurə.
2 Kʋ na kɩ da yale,
DƖ wʋ́ joŋi dɩbam dɩ́ cam wʋnɩ DƖ yagɩ.
Kʋ na yi da yatɔ wɛɛnɩ
DƖ wʋ́ pa dɩ́ joori dɩ́ bi dɩ na yazurə
sɩ dɩ́ taa wʋ DƖ tee nɩ.a
3 Pa-na dɩ́ sɩɩnɩ dɩ́ yiǝ,
sɩ dɩ́ taa mɩ dɩ Baŋa-Wɛ!
DƖ laan wʋ́ vɩɩrɩ DƖ tɩtɩ DƖ brɩ dɩbam,
nɩ Wɛ na jɩgɩ dɩ pulǝ tɩ-pʋra ni nɩ te tɩn.
DƖ wʋ́ ba o zǝni dɩbam,
nɩ duum dʋa na bugi tɩga te tɩn mʋ.»
Baŋa-Wɛ maa wɩ:
4 «Efrayim dwi tiinə bam,
amʋ nan wʋ́ kɩ abam ta mʋ?
Zuda dwi tiinə bam dɩ,
amʋ lagɩ a kɩ abam dɩ ta mʋ?
Á na soe amʋ te tɩn mʋ ba jɩgɩ fra.
Kʋ nyɩ dɩ kunkoŋo kʋlʋ na tui zɩzɩŋa nɩ
yɩ kʋ je lɩla tɩn.
Kʋ ta nyɩ dɩ nyɔnɔ kʋlʋ na tʋa yɩ kʋ ba daanɩ tɩn.
5 Kʋntʋ ŋwaanɩ a lagɩ a tʋŋɩ a nijoŋnǝ bam mʋ á tee nɩ,
sɩ a tɔgɩ ba baŋa nɩ a pa á na cɔgɩm.
A ta wʋ́ kwe a ni-taanɩ dɩm a ma a gʋ abam.
A lagɩ a da a nuŋi mʋ a waarɩ abam
nɩ Wɛ na puli tɩ-pʋra ni nɩ te tɩn.b
6 Á ya na jɩgɩ da-sono,
kʋntʋ yaá poli amʋ wʋʋ
kʋ dwǝni á na kɩ kaanɩm á pa-nɩ.
Á ya na mɩ dɩ amʋ na yɩ á Tu Wɛ dɩm tɩn,
kʋʋ́ taa gara á na kwe vara á zwɛ sɩ á zuli-nɩ.c
7 Kʋ na yɩ ni dɩlʋ amʋ na goni dɩ ba tɩn,
ba dɛɛn yiri-dɩ
maŋa kalʋ ba na wʋ Adam tɩʋ nɩ tɩn.d
Cɩga tɩn, ba sɩɩnɩ ba nuŋi amʋ kwaga nɩ.
8 Galadɩ yɩ tɩʋ kʋlʋ kʋm nɔn-balwaarʋ na su kʋ wʋnɩ tɩn mʋ.
Ba maa yǝni ba gʋ nɔɔna jaja.
9 Wɛ kaanɩm tiinə bam nyɩ dɩ vɩnvɩrna na səgi ba tɩtɩ
sɩ ba laan zaŋɩ ba vrɩ nɔɔna tɩn mʋ.
Kʋ na maŋɩ kʋ yɩ Sishɛm cwǝŋǝ ni nɩ,
ba gʋ nɔɔna balʋ na tɔgɩ da ba kɛ tɩn.
Kʋ yɩ lwarɩm mʋ ba jɩgɩ ba kɩ.
10 Amʋ nɛ tɩtʋŋ-zɔɔnɩ Yisɩrayɛlɩ dwi tiinə bam tɩtarɩ nɩ.
Efrayim tiinə bam digimi ba tɩtɩ mʋ
dɩ ba na boori jwǝnǝ kaanɩm baŋa nɩ te tɩn.
11 Abam Zuda dwi tiinə abam,
kʋ ta yɩ bɩdwɩ mʋ dɩ abam.
Á maŋa kam na yiǝ,
amʋ lagɩ a yɔɔrɩ a waarɩ abam mʋ.