Oze dɩ o kaanɩ joori ba kɩ daanɩ
3
Baŋa-Wɛ ta ma ta dɩ amʋ DƖ wɩ: «N kaanɩ wʋm yɩ ka-boro yɩ baarʋ wʋdoŋ mʋ soe‑o. Dɩ kʋ dɩ, joori n vu n brɩ-o nmʋ na jɩgɩ o sono te tɩn. Kʋ yɩ bɩdwɩ dɩ amʋ Baŋa-Wɛ dɩ na soe Yisɩrayɛlɩ tiinə bam te tɩn mʋ, dɩ ba na maŋɩ ba ywəri a kwaga nɩ yɩ ba zuli wa yadonnə te tɩn dɩ. Ba ta soe sɩ ba taa kwe maasa ba paɩ ba jwǝnǝ.»2 Baŋa-Wɛ na tagɩ kʋntʋ tɩn, a ma kwe səbu-poŋo səbu-dala fugə-yanu, dɩ caaraa ywəllu tɩnu,b sɩ a ŋwɩ a ma joori a joŋ-o. 3 A ma ta dɩd-o nɩ: «Nmʋ laan wʋ́ ta n zʋʋrɩ dɩ amʋ mʋ taa, yɩ n yagɩ ka-tʋla dɩ kabwəŋə kənə. A dɩ wʋ́ zuri a yɩra a pa‑m.»
4 Mʋ Yisɩrayɛlɩ tiinə bam na wʋ́ taa zʋʋrɩ taan te yɩ ba ba jɩgɩ pɛ naa pabu tɩn. Ba bá na cwǝŋǝ sɩ ba kɩ kaanɩm, naa ba zuli ba kandwa naa ba jwǝnǝ, naa ba ma kaanɩm gwar-wʋgʋ kʋm ba kɩ yi-nɛɛrɩ kənə. 5 Maŋa kam kʋntʋ na kɛ, Yisɩrayɛlɩ tiinə bam wʋ́ joori ba Tu Baŋa-Wɛ dɩm te, dɩ ba pɛ wʋlʋ na nuŋi Davidi dwi dɩm wʋnɩ tɩn te. Ba laan wʋ́ tiini ba kwarɩ Baŋa-Wɛ, yɩ DƖ dɩ wʋ́ kɩ-ba lanyɩranɩ.