19
24
Yɩ pa n wʋbʋŋa zʋ nɔn-balwaarʋ wʋnɩ.Nan yɩ di ciloŋo dɩ ba.
2 Bɛŋwaanɩ ba yǝni ba jeeli wʋ-lʋŋ-tɩtʋŋa mʋ ba yuu nɩ,
yɩ ba na puri ba niə
kʋ yɩ sɩ ba cɔgɩ nɔɔnʋ mʋ.
20
3 Swan lɔ sam mʋ ya zɩga.
Yi-pʋrʋ paɩ dɩ fɔgɩ dɩ cwi lanyɩranɩ dɩ dam mʋ.
4 Yǝno maa paɩ sam sui
dɩ wo-laarʋ dwi maama.
21
5 Swan tu jɩgɩ dam
o dwe nɔn-sawɔrɔ.
Wʋlʋ na zaasɩ o yi tɩn ma garɩ babɩa.
6 Wʋlʋ na sɛ zaasɩm tɩn mʋ kɩ najara o di wɔnɔ,
Wʋlʋ maa na bwɛ wǝǝnu dɩ nɔɔna zanzan tɩn bá tʋ najara wʋnɩ.
22
7 Bɩtarɩ dɩndɩ tiini sɩ dana
sɩ dwe nɔn-joro jam.
Nakwa na jeeri manchoŋo ni nɩ,
o ba jɩgɩ ni sɩ o puri.
23
8 Baá bəŋi balʋ na soe sɩ ba taa bʋŋɩ lwarɩm ba paɩ ba donnǝ tɩn nɩ tɩtʋŋ-balwaarʋ kərə.
9 Nɔn-joro jeeli o woŋo maama
o ve o guri dɩ lwarɩm mʋ.
Nɔɔna maa yɔɔrɩ ba culi nɔɔnʋ wʋlʋ na pupogi nɔɔna tɩn.
24
10 Nmʋ vwana na parɩ cam maŋa nɩ mɔle-mɔlɩ,
kʋ nan brɩ nɩ n tiini n bwǝnǝ mʋ lagɩ-lagɩ.
25
11 Ba na vaŋɩ wʋlʋ ba ve sɩ ba gʋ vwan cwǝŋǝ nɩ,
sɩ n joŋi kʋ tu n yagɩ.
12 Nmʋ nan na wɩ:
«Ka wʋ nɛ amʋ, a yǝri nɔɔnʋ wʋm,»
nan lwarɩ nɩ Wɛ ye nɔɔna maama bɩcara na yɩ te tɩn.
Dɩntʋ mʋ ze n ŋwɩa
yɩ DƖ ye n kikiə maama ni nɩ.
N bʋŋɩ nɩ DƖ bá ŋwɩ nɔɔnʋ maama
kʋ tɔgɩ dɩ o kikiə na?a
26
13 Amʋ bu, n na nɛ tʋʋrʋ,
di-tɩ n wʋbʋŋa, tɩ na lana tɩn ŋwaanɩ.
Tʋʋrʋ maa sʋna
yɩ ka duri ka tu n kwǝrǝ cwǝŋǝ.
14 Nan lwarɩ nɩ yi-pʋrʋ dɩ yɩ kʋntʋ mʋ kʋ pa‑m.
N na nɛ-kʋ, nmʋ wʋ́ ta n jɩgɩ jwa lanyɩranɩ,
yɩ n tɩɩna yam bá fɔgɩ ya ti.
27
15 Yɩ ji wʋlʋ o tɩʋ tiinə na magɩ gulu ba lɩ-o,
pa o beeri nɔn-ŋʋm dɩ o sɔŋɔ tiinə sɩ o dɩ cɔgɩ tɩn.
16 Bɛŋwaanɩ, nɔn-ŋʋm na tʋ kuni bɩrpɛ dɩ,
o ta wʋ́ pɛ o zaŋɩ o zɩgɩ cɛpɩ.
Sɩ kʋ na yɩ nɔn-balɔrɔ,
lirǝ tǝrǝ ka na wʋ́ joŋ-o ka yagɩ.
28
17 Yɩ ta n caka dɩ n dʋnʋ na tʋ tɩga nɩ tɩn.
O na tri sɩ o tʋ,
yɩ ta n jɩgɩ wʋpolo.
18 Bɛŋwaanɩ, Wɛ wʋ́ na n kikiə
sɩ DƖ wʋʋ cɔgɩ dɩ nmʋ.
DƖ laan maa wʋ́ pa DƖ banɩ daa yɩ zaŋɩ dɩ n dʋnʋ wʋm.
29
19 Yɩ pa n wʋbʋŋa vugimi
nɔn-balwaarʋ ŋwaanɩ.
Ta yɩ ta n lagɩ sɩ n ta n nyɩ dɩ nɔn-balwaarʋ.
20 Bɛŋwaanɩ, nɔn-balɔrɔ ba jɩgɩ jwa.
O ŋwɩa pooni dɩm wʋ́ da dɩ dwe mʋ.
30
21 Amʋ bu, ta n kwarɩ Baŋa-Wɛ dɩ pɛ.
Nan yɩ ta n yɩ dɩ balʋ na ba nɩgɩ bantʋ tɩn.
22 Bɛŋwaanɩ, Wɛ dɩ pɛ jɩgɩ dam
sɩ ba cɔgɩ nɔɔna bam kʋntʋ mwalɩ mwalɩ.
Faŋa tu bɩtar-dɩndɩ yadonnə
23 Wʋbʋŋa tu taana yadonnə mʋ tɩntʋ:
Kʋ daɩ kʋ cwǝŋǝ nɩ
sɩ n ta n kuri nɔɔna da-wʋnɩ.
24 Wʋlʋ na tagɩ dɩ Agɛbʋra o wɩ:
«Nmʋ jɩgɩ cɩga,»
nɔɔna wʋ́ sɔɔlɩ lwarɩm ba pa kʋ tu,
yɩ tɩɩnɩ maama dɩ van‑o.
25 Wʋlʋ nan na waarɩ balʋ na tʋŋɩ vwan tɩn,
wǝǝnu maama wʋ́ da cwǝŋǝ tɩ pa kʋ tu,
yɩ Wɛ yu-yoŋo dɩ taa wʋ o yuu nɩ.
26 Wʋlʋ na wʋ́ ta n yɩra cɩga tɩn mʋ sɩɩnɩ o yɩ n ciloŋ cɩga cɩga.
27 N na ti n pooni yigə tɩtʋŋa maama,
yɩ n daarɩ n lwe n lweeru maama,
sɩ n laan ta n ye n sɔŋɔ lɔɔm ni nɩ.b
28 Yɩ pa maana n cɔgɩ n doŋ
yɩ n yǝri cɩga kam n tiə.
Nan yɩ ma n ni n ganɩ nɔɔna.
29 Yɩ zaŋɩ n ta nɩ:
«Amʋ lagɩ a kɩ-o nɩ o dɩ na kɩ amʋ tɩte tɩn mʋ,
Amʋ Baŋa-Wɛ lagɩ DƖ ŋwɩ nɔɔnʋ maama kʋ maŋɩ dɩ o tɩtʋŋ-nɛ na yɩ tɩte tɩm mʋ.
30 Amʋ nɛ pwələ mʋ a tɔgɩ yawɔrɩ-nyɩm kara seeni a kɛ. 31 A ma na nɩ sabarɩ mʋ joŋi je sɩm maama. ɡa-balɔrɔ dɩ ma lwarɩ tɩga kam maama. O na mɛ kandwa yalʋ o cɩ-ka tɩn dɩ jagɩ saɩ!
32 A ma bʋŋɩ kʋlʋ a na nɛ tɩn wʋnɩ zii, yɩ a zaasɩ woŋo kʋ wʋnɩ a lwarɩ nɩ:
33 Ta n soe dɔɔnɩ,
yɩ n lagɩ sɩ n ta n tigi n siə.
Vɔ n jɩn daanɩ sɩ n sin n ja n tɩtɩ,
34 kantʋ maŋa kam nɩ, yinigə wʋ́ ba nmʋ sɔŋɔ mʋ nɩnɛɛnɩ nɔɔnʋ na beeri o ba tɛ tɩn,
zʋrɩ wʋ́ tʋ dɩ li-m mʋ nɩ nɔɔn-vrɩnʋ na tʋ o li nɔɔnʋ tɩte tɩn.