Wɛ-loro zǝnǝ ŋwaanɩ
Davidi dɛɛn panɩ ləŋə kantʋ maŋa kalʋ o na səgi piu bɔɔnɩ wʋnɩ tɩn.a
142
A keeri mʋ a looriBaŋa-Wɛ dɩ kwǝr-dɩa.
A maa loori Baŋa-Wɛ
sɩ DƖ duri a yibwənə.
2 A ta yǝni a magɩ a japoori a loori DƖ yigə nɩ,
yɩ a lwǝni a yaara yam maama
a brɩ-DƖ.
3 Amʋ vwana na yǝni ya parɩ,
nmʋ yɩranɩ mʋ ye
cwǝŋǝ kalʋ a na wʋ́ tɔgɩ tɩn.
Amʋ na wʋ́ pipiri a vu mɛ maama tɩn
mʋ a dʋna bam tiŋi
ba cɩgɩrʋ ba səgi
sɩ a tʋ tɩ wʋnɩ.
4 Kwaanɩ n nii amʋ jazɩm seeni,
yɩ nɔɔn-nɔɔnʋ tǝrǝ
sɩ kʋ tu zəni-nɩ.
A wʋ nɛ wʋlʋwʋlʋ
sɩ a salɩ o yɩra nɩ.
Nɔɔn-nɔɔnʋ yigə tǝrǝ a wʋnɩ.
5 Baŋa-Wɛ, amʋ keeri a loori nmʋ mʋ.
A maa tɛ a wɩ:
«Nmʋ mʋ yɩ amʋ dalɩm je.
A ta na ŋwɩ tɩga baŋa nɩ tɩn,
nmʋ mʋ yɩ dɩlʋ na maŋɩ
dɩ amʋ tɩn.»
6 A loori-m, cəgi amʋ wɛ-loro kʋm,
sɩ amʋ wʋʋ mʋ tiini kʋ cɔɔrɩ.
Joŋi-nɩ n yagɩ balʋ na zəli-nɩ
sɩ ba ja tɩn jɩŋa nɩ,
ba na dana ba dwe amʋ tɩn ŋwaanɩ.
7 Pʋrɩ-nɩ n ja n nuŋi
pɩɩna digə kantʋ wʋnɩ,
sɩ a laan wʋ́ tee nmʋ yɩrɩ dɩm.
N nɔn-ŋʋna bam wʋ́ ba
ba gilimi daanɩ amʋ ŋwaanɩ,
dɩdaanɩ n na kɩ-nɩ lanyɩranɩ
te tɩn.