Ləŋ-ŋwɩ 133

Wəl-dɔnɔ mʋ te dam

Davidi dɛɛn panɩ ləŋə kantʋ.

Nii-na! Balʋ na yɩ ko-biu tɩn

na zʋʋrɩ daanɩ dɩ ni dɩdwɩ:

kʋ tiini kʋ lamma

pa ba di ywəəni lanyɩranɩ.

2 Ni-ywəm dɩm kʋntʋ nyɩ dɩ

Wɛ yu-yoŋo nugə mʋ

ba kwe ba lo Arɔn yuu nɩ

pa ka duri ka bɔɔrɩ

o twana yam maama

ka ta tu ka yi o gwaarʋ tɩm

niə yam dɩ.

3 Ko-biu sono ta maa nyɩ dɩ

Hɛrmɔn nyɔnɔ kʋm doŋ

na tʋɩ Siyɔn piu yuu nɩ te tɩn.

Kʋ maa yɩ dáanɩ mʋ Baŋa-Wɛ pɛ ni

sɩ DƖ yu-yoŋo taa wʋ

DƖ nɔɔna baŋa nɩ,

pa ba na ŋwɩa maŋa maama wuu.