Baŋa-Wɛ yɩ Wʋ-poŋo Tu mʋ
99
Baŋa-Wɛ mʋ yɩ Pɛ!Lʋgʋ baŋa dwi maama
maŋɩ sɩ ba taa kwarɩ-DƖ mʋ
yɩ ba yɩra saɩ.
Wɛ di paarɩ Serubɛn sɩm
tɩtarɩ laŋa nɩ mʋ.a
Tɩga baŋa maama wʋ́ sisiŋi!
2 Baŋa-Wɛ je dɩ kamunni mʋ
Siyɔn nɩ.
DƖ jɩgɩ dam lʋgʋ baŋa tɩɩnɩ dɩm
maama baŋa nɩ.
3 Kʋ maŋɩ sɩ nɔɔna maama
taa tee DƖ yɩrɩ dɩm,
dɩ na yɩ kamunu
yɩ dɩ ta jɩgɩ fʋʋnɩ tɩn ŋwaanɩ.
Baŋa-Wɛ mʋ yɩ wʋ-poŋo tu!
4 Dɩ́ Pɛ wʋm jɩgɩ dam!
O nan soe sɩ cɩga kam mʋ taa tʋŋa.
O maa paɩ wǝǝnu taa tɔgɩ cwǝŋǝ Yisɩrayɛlɩ tɩʋ nɩ,
sɩ kʋ dɩdɛɛra bam dɩ taa bʋrɩ cɩga bʋra ba pa nɔɔna.
5 Tee-na dɩ́ Tu Baŋa-Wɛ
sɩ á zǝŋi DƖ yɩrɩ dɩm.
Kuni-na nadoonə á zuli‑DƖ,
DƖ na yɩ wʋ-poŋo tu tɩn ŋwaanɩ.
6 Moyisi dɩ Arɔn dɛɛn wʋ
Wɛ kaanɩm tiinə bam wʋnɩ mʋ.
Samowɛlɩ dɩ dɛɛn maa jɩgɩ
Wɛ yɩrɩ dɩm o ma o war‑o.
Bantʋ dɛɛn loori zǝnǝ
Baŋa-Wɛ tee nɩ
yɩ DƖ sɛ ba wɛ-loro kʋm.
7 Wɛ dɛɛn zɩgɩ kunkoŋo kʋlʋ
na zɩgɩ dəki tɩn wʋnɩ mʋ
DƖ ŋɔɔnɩ dɩ ba.b
Ba dɛɛn ma tʋŋɩ ba tɔgɩ
DƖ niə yam dɩ zaasɩm yalʋ
DƖ na pɛ-ba sɩ ba taa tɔgɩ tɩn.
8 Dɩbam Tu Baŋa-Wɛ, nmʋ dɛɛn yǝni n ləri ba wɛ-loro.
N dɛɛn yǝni n kwe
n nɔɔna bam lwarɩm
n ma n cɛ-ba mʋ.
Ba nan na tʋŋɩ lwarɩm,
n dɛɛn ma n yǝni n vaŋɩ ba zwa.
9 Tee-na dɩ́ Tu Baŋa-Wɛ
yɩ á zǝŋi DƖ yɩrɩ dɩm.
Yi-na piu kʋlʋ DƖ na pɔɔrɩ
DƖ pa o tɩtɩ tɩn á zuli‑DƖ.
Bɛŋwaanɩ, dɩbam Tu Baŋa-Wɛ
yɩ wʋ-poŋo tu mʋ.