Bilidadɩ ni-taanɩ
25
Suha tu Bilidadɩ ma ləri o wɩ:2 «Paarɩ dim dɩ fʋʋn-kɔrɔ
yɩ Wɛ mʋ te-tɩ.
Dɩntʋ mʋ paɩ wǝǝnu tɔgɩ cwǝŋǝ
wɛyuu baŋa je sɩm nɩ.
3 Nɔɔn-nɔɔnʋ warɩ Wɛ jar-kərə bam ni sɩ o ga o ti.
Je wʋra Wɛ pooni dɩm
na wʋ yi da na?
4 Nabiinu wʋ́ kɩ tɩta mʋ
sɩ o na cɩga Wɛ yigə nɩ?
Kaana na lʋgɩ balʋ tɩn wʋnɩ
wɔɔ mʋ jɩgɩ wʋ-poŋo cɩga cɩga?
5 Wɛ nan nii cana kam pooni
nɩ dɩ ba jɩgɩ dam.
DƖ maa paɩ calɩcwɩ sɩm pooni dɩ yɩ kafɛ.
6 Nabiinǝ laan wʋ́ taa jɩgɩ kuri mʋ
DƖ tee nɩ?
Ba nan nyɩ dɩ kanzwa
dɩ kanzwa-bu mʋ DƖ yigə nɩ.»