Zobi ta ma ta o wɩ:
17
«A daa ba jɩgɩ ŋwɩa tɩɩna.Amʋ da yam bwələ sɩ ya ti.
Ba laan maa wʋ́ kɩ-nɩ
yibeeli wʋnɩ.
2 Nɔɔna zanzan mʋ jɩgɩ-nɩ ba mwana,
pa a yɔɔrɩ a na
ba na pupogi-nɩ te tɩn.
3 Wɛ, nmʋ yɩranɩ mʋ a niə
sɩ n zɩgɩ daarɩ n pa-nɩ.
Nɔɔn-nɔɔnʋ daa tǝrǝ
sɩ kʋ tu zɩgɩ a kwaga nɩ.
4 N pɛ a badonnǝ bam daa ba jɩgɩ wʋbʋŋa dɩ,
kʋntʋ ŋwaanɩ yɩ pa
sɩ ba wanɩ amʋ ba di.
5 Wʋlʋ na nuŋi o badonnǝ bam kwaga nɩ
sɩ o ma o na nyɔɔrɩ,
kʋ tu biə yiǝ wʋ́ dwe mʋ.
6 Wɛ pɛ amʋ ji wo-mɔnɔ
nɔɔna tee nɩ mʋ.
Ba maa twɩ lileeru
ba yagɩ a yɩra nɩ.a
7 A yiǝ yam yɔɔrɩ ya dwe,
a wʋʋ na tiini kʋ cɔgɩ tɩn ŋwaanɩ.
A yɩra maama ma yɔɔrɩ ya ti.
8 Nɔn-ŋʋna yɩ yǝǝu mʋ
dɩ kʋlʋ na yi amʋ tɩn.
Ba banɩ maa wɔɛ balʋ na vɩn
Wɛ cwǝŋǝ tɔgɩm tɩn ŋwaanɩ.
9 Balʋ na wʋ ba cɩga wʋnɩ tɩn
nan yɔɔrɩ ba tɔgɩ ba cwǝŋǝ.
Wʋlʋ jɩan na ba jɩgɩ digiru tɩn,
o ta fɔgɩ o zɩgɩ kəŋkəŋ kʋntʋ mʋ.
10 Abam maama nan joori-na á ba
sɩ á kwaanɩ á kʋrɩsɩ-nɩ!
A nan ta bá na yi-pʋrɩ-nyɩm á wʋnɩ.
11 Amʋ ŋwɩa da yam gɛ fɩnfɩɩn
sɩ ya ti mʋ.
A wʋbʋŋa ya na jaanɩ sɩ a kɩ
wǝǝnu tɩlʋ tɩn daa bá kɩ.
A tɩɩna maama dɩ ma ti.
12 A badonnǝ bam paɩ lim
pipiri dɩ ji tɩ-pʋra.
A maa wʋ lim wʋnɩ yɩ ba tɛ nɩ:
‹Wɩa pooni bwələ mʋ.›
13 Amʋ laan na je a cəgi
sɩ a zʋ sɔŋɔ kʋlʋ wʋnɩ tɩn mʋ
yɩ a yibeeli dɩm.
Aá vu curu a taa tigi lim wʋnɩ.
14 A maa wʋ́ warɩ goŋo kʋm nɩ:
‹A ko,›
yɩ a daarɩ a ta dɩ tʋ́a nɩ:
‹A nu, dɩ a nakɔ, dɩ á le.›
15 Amʋ tɩɩna yam nan daŋɩ
bɛ baŋa nɩ mʋ?
Wɔɔ mʋ wʋ́ wanɩ o lwarɩ
a na jɩgɩ jwa?
16 Tɩɩna yam kʋntʋ wʋ́ da ya vu curu
sɩ dɩ́ tɔgɩ daanɩ dɩ́ vu
dɩ́ taa tigi da na?»