Nɔɔna bam yagɩ ba kaana balʋ na yɩ dwi-gɛ bukwa tɩn
10
Esdrasɩ dɛɛn loori Wɛ mʋ, yɩ o sɛ nɩ Yisɩrayɛlɩ tiinə bam kɩ lwarɩm yantʋ ba cɔgɩ Wɛ yigə. O ma yɔɔrɩ o kan yi-na, yɩ o vin o yibiyə tɩga nɩ Wɛ-di-kamunu kʋnkɔlɔ kʋm nɩ. Yisɩrayɛlɩ tiinə bam kɔ-fɔrɔ ma la daanɩ ba yi o te ba dɩ tɔgɩ ba keeri zanzan. Kʋ maa yɩ baara, dɩ kaana, dɩ biə mʋ wʋra kʋntʋ. 2 Yehiyɛlɩ na yɩ Elam dwi tu tɩn bu Sekanɩa ma ta dɩ Esdrasɩ o wɩ: «Cɩga ŋwaanɩ tɩn, dɩbam ywəri dɩ́ Tu Wɛ kwaga nɩ dɩdaanɩ dɩ́ na di dwi-gɛ tiinə bukwa bantʋ na nuŋi tɩɩnɩ dɩlʋ na gilimi dɩbam tɩn. Dɩ kʋ dɩ, dɩ́ ye nɩ tɩɩna ta wʋra ya paɩ Yisɩrayɛlɩ tiinə. 3 Dɩbam nan zɩgɩ sɩ dɩ́ goni ni mʋ dɩ dɩ́ Tu Wɛ dɩm nɩ: dɩ́ wʋ́ yagɩ kaana bantʋ maama dɩ ba biə sɩ ba viiri. Dɩbam ti yigə sɩ dɩ́ sɛ nmʋ, dɩ balʋ maama na kwarɩ fʋʋnɩ dɩ dɩ́ Tu Wɛ niə yam yɩ á ta sɩ dɩ́ kɩ kʋlʋ tɩn. Nan pa kʋ kɩ kʋ tɔgɩ Wɛ niə yam na brɩ te tɩn. 4 Nmʋ mʋ maŋɩ sɩ n kɩ kǝm. Nan ta n jɩgɩ baarɩ, sɩ dɩ́ zɩgɩ n kwaga nɩ.»5 Esdrasɩ ma pɛ o zaŋɩ yɩ o pa kaanɩm yigǝ tiinǝ bam, dɩ Levi tiinə bam, dɩdaanɩ Yisɩrayɛlɩ tiinə bam maama du durə nɩ: baá kɩ te maama Sekanɩa na tagɩ tɩn. Ba maama ma sɩɩnɩ ba du durə. 6 O laan ma yagɩ Wɛ-digə kam je sɩm yɩ o vu Eliyasibi bu Yohanan digə nɩ o pəni da. O na wʋra kʋntʋ tɩn, o ma vɩn sɩ o di wʋdiu, naa sɩ o nyɔ na, o wʋ na cɔgɩ dɩ Yisɩrayɛlɩ tiinə balʋ na zɩgɩ Babilɔnɩ nɩ ba joori tɩn na ywəri Wɛ kwaga nɩ te tɩn ŋwaanɩ.
7 Ba dɛɛn ma tɔɔlɩ kwǝrǝ pa ka jagɩ Zeruzalɛm tɩʋ kʋm dɩ Zuda je sɩm maama nɩ, ka wɩ: balʋ na zɩgɩ Babilɔnɩ nɩ ba joori tɩn maama ba ba jeeri Zeruzalɛm tɩʋ nɩ. 8 Nakwa dɩ yigǝ tiinǝ bam ni dɩm kʋntʋ brɩ nɩ: da yatɔ na yiǝ, yɩ wʋlʋ na wʋ tɔgɩ o jeeri da, kʋntʋ tu wʋ́ ga o jɩjɩgɩrʋ maama mʋ, sɩ ba daarɩ ba lɩ-o ba kɔgɔ kʋm wʋnɩ.
9 Da yatɔ dɛ dɩm na yi tɩn, mʋ baara balʋ maama na zʋʋrɩ Zuda dɩ Bɛnzamɛn je sɩm nɩ tɩn tu Zeruzalɛm tɩʋ nɩ. Canɩ nʋgʋ cana kam da fiinle dɛ nɩ mʋ ba dɛɛn jeeri Wɛ-di-kamunu kʋnkɔlɔ kʋm nɩ. Nɔɔna bam na je da kʋntʋ tɩn, ba yɩra maa saɩ, ba jeerim dɩm na yɩ wo-cɛɔ, yɩ dʋa ta na nɩ zanzan dɩ dɛ dɩm nɩ tɩn ŋwaanɩ. 10 Wɛ kaanɩm tu Esdrasɩ ma zaŋɩ wɛɛnɩ yɩ o ta dɩ ba o wɩ: «Abam sɩɩnɩ á ywəri Wɛ kwaga nɩ dɩ á na di ka-gɛ sɩ ba taa yɩ á kaana tɩn. Abam lwarɩm dɩm kʋntʋ maa wʋ Yisɩrayɛlɩ tiinə bam maama yuu nɩ. 11 Nan vɩ-na á lwarɩm dɩm á nabaara Baŋa-Wɛ dɩm yigə nɩ, sɩ á daarɩ á kɩ kʋlʋ na wʋ́ tɔgɩ DƖ wʋbʋŋa tɩn. Pɔɔrɩ-na á tɩtɩ dɩ dwi-gɛ tiinə balʋ na zʋʋrɩ tɩga kantʋ nɩ tɩn, sɩ á daarɩ á yagɩ á ka-gɛ sɩm sɩ ba viiri.»
12 Kɔ-fɔrɔ kʋm maama ma ləri dɩ kwǝr-dɩa ba wɩ: «Nmʋ taanɩ dɩm yɩ cɩga mʋ. Dɩ nan wʋ́ kɩ nmʋ na brɩ sɩ dɩ́ kɩ te tɩn! 13 Dɩ́ nan na zɩgɩ yo seeni tɩn, dɩ́ tiini dɩ́ daga, yɩ dɩ́ daa warɩ yo sɩ dɩ́ zɩgɩ taan, kʋ na yɩ yadɛ yɩ dʋa nɩ zanzan tɩn ŋwaanɩ. Taanɩ dɩntʋ daɩ sɩ dɩ́ kwe dɛ dɩdwɩ naa da yale yɩranɩ sɩ dɩ́ kwɛ-dɩ. Kʋ yɩ dɩbam zanzan mʋ zʋ lwarɩm dɩntʋ wʋnɩ. 14 Nmʋ nan na sɛ, pa dɩ́ yigǝ tiinǝ bam ja taanɩ dɩm ba pa dɩbam maama. Dɩ́ tɩɩnɩ dɩm maama wʋnɩ wʋlʋ maama na jɩgɩ dwi-gɛ tiinə bukɔ o di o kɩ kaanɩ, kʋ tu wʋ́ tɔgɩ dɩ o tɩʋ kʋm nakwa, dɩ balʋ na nii ba tɩʋ kʋm taana baŋa nɩ tɩn, ba ba maŋa kalʋ dɩdɛɛra bam na kuri sɩ ba kwɛ o taanɩ dɩm tɩn. Kʋntʋ wʋ́ pa Wɛ banɩ zuri dɩ dɩ na zaŋɩ dɩbam kǝm dɩntʋ baŋa nɩ te tɩn.»
15 Nɔɔna bam maama ma sɛ taanɩ dɩm kʋntʋ. Azayɛlɩ bu Zonatan, dɩ Tikeva bu Yazɩya yɩranɩ mʋ vɩ-dɩ, yɩ Mesulam, dɩ Levi dwi tu Sabetayi pu ba kwaga.
16 Balʋ dɛɛn na zɩgɩ Babilɔnɩ nɩ ba joori tɩn ma sɛ sɩ ba kɩ kʋlʋ ba na tagɩ tɩn. Wɛ kaanɩm tu Esdrasɩ dɩ ma lɩ baara badonnǝ na yɩ dwi yigǝ tiinǝ tɩn, yɩ o pʋpʋnɩ ba yɩra o tiŋi. Canɩ fugə kam pulim dɛ dɩm nɩ mʋ ba sɩŋɩ sɩ ba nii taanɩ dɩm baŋa nɩ. 17 Ba ma kwe canɩ sɩtɔ ba buŋi ba lwarɩ Yisɩrayɛlɩ tiinə balʋ na jɩgɩ ka-gɛ sɩm tɩn.
Balʋ na di dwi-gɛ tiinə bukwa tɩn yɩra
18 Ba dɛɛn nɛ nɩ: balʋ na nuŋi Wɛ kaanɩm tiinə dwi wʋnɩ yɩ ba di dwi-gɛ tiinə bukwa tɩn mʋ tɩntʋ:
Yozadaki bu Zozwe dɩ o cʋrrʋ dwi kʋm nɔɔna bam wʋnɩ yɩ:
Maaseya, dɩ Eliezɛrɩ, dɩ Yaribi, dɩ Gedalia.
19 Ba dɛɛn ma goni ni nɩ baá yagɩ ba kaana bam. Ba maama dɩdʋa dɩdʋa ma kwe pi-bɩa ba ma kɩ kaanɩm ba lwarɩm dɩm saarɩm ŋwaanɩ.
20 Imɛrɩ dwi kʋm nɔɔna bam wʋnɩ yɩ:
Hanani, dɩ Zebadia.
21 Harim dwi kʋm nɔɔna bam wʋnɩ yɩ:
Maaseya, dɩ Eli, dɩ Semaya, dɩ Yehiyɛlɩ, dɩ Ozɩasɩ.
22 Pasuuri dwi kʋm nɔɔna bam wʋnɩ yɩ:
Eliu-Enayi, dɩ Maaseya, dɩ Ismayɛlɩ, dɩ Netaneli, dɩ Yozabadɩ, dɩ Elasa.
23 Levi dwi tiinə bam wʋnɩ maa yɩ:
Yozabadɩ, dɩ Simeyi, dɩ Kelaya (ba ta bǝ-o nɩ Kelita mʋ), dɩ Petasia, dɩ Zuda, dɩ Eliezɛrɩ.
24 Lən-leenə bam wʋnɩ maa yɩ:
Eliyasibi.
Wɛ-digə kam ni-yɩrɩna bam wʋnɩ maa yɩ:
Salum, dɩ Telem, dɩ Yuri.
25 Yisɩrayɛlɩ tiinə kɔ-fɔrɔ kʋm maama wʋnɩ balʋ na di dwi-gɛ tiinə bukwa tɩn mʋ tɩntʋ:
Parʋsɩ dwi kʋm nɔɔna bam wʋnɩ yɩ:
Ramɩa, dɩ Yiziya, dɩ Malkiya, dɩ Miyamina, dɩ Eleyazaarɩ, dɩ Malkiyaa, dɩ Benaya.
26 Elam dwi kʋm nɔɔna bam wʋnɩ yɩ:
Matanɩa, dɩ Zakari, dɩ Yehiyɛlɩ, dɩ Abidi, dɩ Zeremɔtɩ, dɩ Eli.
27 Zaatu dwi kʋm nɔɔna bam wʋnɩ yɩ:
Eliu-Enayi, dɩ Eliyasibi, dɩ Matanɩa, dɩ Zeremɔtɩ, dɩ Zabadɩ, dɩ Asiza.
28 Bebayi dwi kʋm nɔɔna bam wʋnɩ yɩ:
Yohanan, dɩ Hanania, dɩ Zabayi, dɩ Atelayi.
29 Bani dwi kʋm nɔɔna bam wʋnɩ yɩ:
Mesulam, dɩ Maluki, dɩ Adaya, dɩ Yɔbɩ, Seala, dɩ Zeremɔtɩ.
30 Pahatɩ-Mowaba dwi kʋm nɔɔna bam wʋnɩ yɩ:
Adana, Kelalɩ, Benaya, Maaseya, Matanɩa, Bezalɩlɩ, Enadadɩ, dɩ Manasɩ.
31 Harim dwi kʋm nɔɔna bam wʋnɩ yɩ:
33 Hasum dwi kʋm nɔɔna bam wʋnɩ yɩ:
Matenayi, dɩ Matata, dɩ Zabadɩ, dɩ Elifelɛtɩ, dɩ Zeremayi, dɩ Manasɩ, dɩ Simeyi.
34 Bani dwi kʋm nɔɔna bam wʋnɩ yɩ:
Maadayi, dɩ Amiram, dɩ Yuweli, 35 dɩ Benaya, dɩ Bedɩya, dɩ Keluhi, 36 dɩ Vania, dɩ Meremɔtɩ, dɩ Eliyasibi, 37 dɩ Matanɩa, dɩ Matenayi, dɩ Yasayi.
38 Enadadɩ dwi kʋm nɔɔna bam wʋnɩ yɩ:
Simeyi, 39 dɩ Selemɩa, dɩ Natan, dɩ Adaya, 40 dɩ Makenadɩbayi, dɩ Sasayi, dɩ Sarayi, 41 dɩ Azareli, dɩ Selemɩa, dɩ Semari, 42 dɩ Salum, dɩ Amari, dɩ Zozɛfʋ.
43 Nebo dwi kʋm nɔɔna bam wʋnɩ yɩ:
Yeyiyɛlɩ, dɩ Matitɩya, dɩ Zabadɩ, dɩ Zebina, dɩ Yadayi, dɩ Zowɛlɩ, dɩ Benaya.
44 Nɔɔna bantʋ maama mʋ nan ya jɩgɩ dwi-gɛ tiinə bukwa ba di. Ba ma yagɩ ba kaana bam kʋntʋ dɩ ba biə pa ba viiri.