Samowɛlɩ Dayigǝ Tɔnɔ
Samowɛlɩ Dayigǝ Tɔnɔ kʋm tɛ Wɛ tɩntʋŋnʋ Samowɛlɩ, dɩdaanɩ Sooli dɩ Davidi na yɩ Yisɩrayɛlɩ tiinə pulim pwa tɩn taanɩ mʋ. Maŋa kam kʋntʋ nɩ, dɩ Filisi tiinə bam mʋ yǝni ba soe sɩ ba taa gwarɩ Yisɩrayɛlɩ tiinə bam sɩ ba kɩ najara. Tɔnɔ kʋm brɩ Davidi na gʋ Filisi tiinə nɔn-sawɔrɔ Goliatɩ te, yɩ o daarɩ o ji Sooli tɩntʋŋnʋ tɩn. Sooli nan na maanɩ nɩ Wɛ kuri Davidi sɩ o ləri wʋntʋ yuu nɩ o ji pɛ tɩn mʋ o kwaana sɩ o gʋ Davidi. Wɛ nan wʋ yagɩ cwǝŋǝ DƖ pa‑o yɩ DƖ kwǝli Davidi sɩ Sooli yɩ gʋ, sɩ kʋ taa nii maŋa kam na yi sɩ Davidi sɩɩnɩ o ji pɛ tɩn. Davidi dɩ Sooli bu Zonatan ma di ciloŋo yɩ ba twɩ ba wʋʋ ba pa daanɩ.